柬埔寨历史回顾

**🔔** «សម័យកាល និងរបប ដែលកម្ពុជាបានឆ្លងកាត់» ១. សម័យសង្គមរាស្ត្រនិយម ១៩៥៥ - ១៩៧០ ដឹកនាំដោយព្រះបាទ នរោត្តម សីហនុ បន្ទាប់ពីទទួលបានឯករាជ្យពេញលេញពីបារាំង (១៩៥៣)។ ជាសម័យកាលដែលមានការអភិវឌ្ឍលើវិស័យអប់រំ វប្បធម៌ និងហេដ្ឋារចនាសម្ព័ន្ធយ៉ាងខ្លាំង ប៉ុន្តែត្រូវបញ្ចប់ដោយរដ្ឋប្រហារ។ ២. របបសាធារណរដ្ឋខ្មែរ ១៩៧០ - ១៩៧៥ ដឹកនាំដោយលោកឧត្តមសេនីយ៍ លន់ នល់ បន្ទាប់ពីធ្វើរដ្ឋប្រហារទម្លាក់ព្រះបាទ នរោត្តម សីហនុ។ ប្រទេសជាតិបានធ្លាក់ចូលទៅក្នុងសង្គ្រាមស៊ីវិលយ៉ាងវិនាសអន្តរាយ និងការទម្លាក់គ្រាប់បែកពីបរទេស។ ៣. របបកម្ពុជាប្រជាធិបតេយ្យ (ខ្មែរក្រហម) ១៩៧៥ - ១៩៧៩ ដឹកនាំដោយ ប៉ុល ពត។ ជាសម័យកាលខ្មៅងងឹតបំផុតក្នុងប្រវត្តិសាស្ត្រកម្ពុជា ដែលបានបង្ខំប្រជាជនឱ្យធ្វើការធ្ងន់ធ្ងរ ធ្វើទារុណកម្ម និងសម្លាប់ប្រជាជនកម្ពុជាអស់ជាង ២ លាននាក់។ ៤. សម័យសាធារណរដ្ឋប្រជាមានិតកម្ពុជា ១៩៧៩ - ១៩៨៩ បង្កើតឡើងបន្ទាប់ពីការដួលរលំនៃរបបខ្មែរក្រហម ដោយមានការជួយជ្រោមជ្រែងពីកងទ័ពវៀតណាម។ ជាដំណាក់កាលស្តារ និងកសាងប្រទេសឡើងវិញពីគំនរផេះផង់។ ៥. សម័យរដ្ឋកម្ពុជា ១៩៨៩ - ១៩៩១ ដំណាក់កាលផ្លាស់ប្តូរឈ្មោះ និងកែទម្រង់នយោបាយ សេដ្ឋកិច្ចឆ្ពោះទៅរកទីផ្សារសេរី និងការចរចាសន្តិភាព ដើម្បីបញ្ចប់សង្គ្រាមស៊ីវិលនៅកម្ពុជា។ ៦. សម័យអន្តរកាល (UNTAC និង SNC) ១៩៩១ - ១៩៩៣ ផ្ដើមចេញពីកិច្ចព្រមព្រៀងសន្តិភាពទីក្រុងប៉ារីស (២៣ តុលា ១៩៩១)។ ក្រុមប្រឹក្សាជាតិជាន់ខ្ពស់ (SNC) និងអាជ្ញាធរបណ្តោះអាសន្នអង្គការសហប្រជាជាតិ (UNTAC) បានរៀបចំការបោះឆ្នោតជាសកលលើកដំបូងនៅឆ្នាំ ១៩៩៣។ ៧. ព្រះរាជាណាចក្រកម្ពុជា (ទី២) ១៩៩៣ - បច្ចុប្បន្ន ការបង្កើតរដ្ឋធម្មនុញ្ញថ្មី និងការបង្កើតរបបរាជានិយមអាស្រ័យរដ្ឋធម្មនុញ្ញឡើងវិញ ដោយមានបាវចនា «ជាតិ សាសនា ព្រះមហាក្សត្រ» និងការអនុវត្តប្រព័ន្ធប្រជាធិបតេយ្យសេរីពហុបក្ស។ ___________ ស្រាវជ្រាវដោយ៖ សច្ចធម៌ប្រវត្តិសាស្រ្ត ** JOIN ****🌐**** **[**សច្ចធម៌ប្រវត្ដិសាស្រ្ដ **](https://t.me/cambotory)** ****🌐**** |** [**Facebook**](https://www.facebook.com/share/p/1NGafgZYZQ/) [** **](https://www.facebook.com/cambotory/)**🌐**** | **[**TikTok **](https://www.tiktok.com/@cambotory)**🌐**** | **[**WEB**](https://ams.com.kh/central/cambotory)