贡布省当局清理高斯茂海滩非法占道经营

ក្រោយទទួលបានព័ត៌មាន និងមានការចែកចាយតាមបណ្តាញសង្គម ករណីអ្នកលក់ដូរនៅលេីឆ្នេរកោះស្មៅ បានដេញបងប្អូនប្រជាពលរដ្ឋ គ្រាន់តែទៅចតឡានចង់ឲ្យកូនហែលទឹកលេងមិនបាននោះ នៅពេលនេះសមត្ថកិច្ច និងអាជ្ញាធរ បានបញ្ឈប់មិនឲ្យមានការលក់ដូរទៀតហេីយ។ ស្នងការនគរបាលខេត្តកំពត លោកឧត្តមសេនីយ៍ទោ ម៉ៅ ច័ន្ទមធុរិទ្ធ បានបញ្ជាក់ថា​ ឆ្នេរកោះស្មៅជាឆ្នេរសាធារណ: ដែលរៀបចំឡេីងដោយអភិបាលខេត្តកំពត ដេីម្បីឲ្យបងប្អូនប្រជាពលរដ្ឋទាំងអស់ទាំងភ្ញៀវជាតិ-អន្តរជាតិ អាចទៅលេងកម្សាន្ត និងលេងទឹកយ៉ាងរីករាយ ដោយគ្មានជាកម្មសិទ្ធិរបស់នរណាម្នាក់នោះឡេីយ។ នៅព្រឹកថ្ងៃទី១៣ ខែតុលា ឆ្នាំ២០២៦នេះ កម្លាំងនគរបាលស្រុកទឹកឈូ និងអាជ្ញាធរឃុំក្រៀល បា​នចុះទៅរៀបចំឆ្នេរកោះស្នៅឡេីងវិញ ដោយហាមឃាត់មិនឲ្យមានការលក់ដូរនោះឡេីយ។ សូមបងប្អូនកុំចាត់ទុកជាដីសាធារណ: ឆ្នេរសាធារណ: និងចិញ្ចេីមផ្លូវជាកម្មសិទ្ធិរបស់ខ្លួន។ តាមពិតអាជ្ញាធរចេះតែមានការយោគយល់ ដេីម្បីឲ្យបងប្អូនអាចលក់ដូរខ្លះ ដេីម្បីរកចំណូលផ្គង់ផ្គង់គ្រួសារ តែពេលបានលក់ហេីយ បងប្អូនខ្លះតែងគិតថា ទីតាំងទាំងនេះជារបស់ខ្លួនទៅវិញ រហូតគេចតឡាន ចតម៉ូតូមិនបាន ចុងក្រោយខាត់បង់ត្រូវដូរទីតាំងលក់ពេលអាជ្ញាធរមិនយោគយល់ទៀតឡេីយ។