韦斯莱恩教育集团18周年庆 引入英国Pearson Edexcel课程

[来源: 柬埔寨国家电视台] [分类提示: NEWS] 标题: ឯកឧត្តម ហេង សួរ ចូលរួមអបអរសាទរខួប ១៨ឆ្នាំ នៃក្រុមហ៊ុន វេសឡាញ អេឌ្យូខេសិន គ្រុបនិងសម្ពោធកម្មវិធីអន្តរជាតិ Pearson Edexcel របស់ចក្រភពអង់គ្លេសនៅកម្ពុជា ឯកឧត្តម ហេង សួរ រដ្ឋមន្ត្រីក្រសួងការងារនិងបណ្តុះបណ្តាលវិជ្ជាជីវៈបានអញ្ជើញចូលរួមក្នុងពិធីអបអរសាទរខួប ១៨ឆ្នាំ នៃផលជះវិជ្ជមាននិងបរិវត្តកម្មក្នុងវិស័យអប់រំរបស់ក្រុមហ៊ុន វេសឡាញ អេឌ្យូខេសិន គ្រុប និងសម្ពោធដាក់ឱ្យប្រើប្រាស់ជាផ្លូវការនៃកម្មវិធីអន្តរជាតិ Pearson Edexcel របស់ចក្រភពអង់គ្លេសនៅសាលារៀនវ៉េស្ទឡាញន៍ ដែលប្រព្រឹត្តឡើងក្រោមអធិបតីភាពដ៏ខ្ពង់ខ្ពស់ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្រ្តី រដ្ឋមន្រ្តីក្រសួងអប់រំ យុវជន និងកីឡា នារសៀលថ្ងៃទី៥ ខែឧសភា ឆ្នាំ២០២៦ នៅសណ្ឋាគារ SUN & MOON Riverside។ នាឱកាសនោះ ឯកឧត្តម ហេង សួរ បានថ្លែងនូវការសាទរចំពោះសមិទ្ធផលរយៈពេល១៨ឆ្នាំ នៃក្រុមហ៊ុន WEG ដែលបានចាប់ផ្តើមពីសាលាមួយរហូតក្លាយជាគ្រឹះស្ថានដែលដើរតួនាទីយ៉ាងសកម្មក្នុងការផ្តល់សេវាអប់រំ និងបណ្តុះបណ្តាលជំនាញដ៏មានគុណភាព ភាពច្នៃប្រឌិត និងទំនើបកម្មដែលចូលរួមធ្វើបរិវត្តកម្មធនធានមនុស្សនៅកម្ពុជា និងជាសក្ខីភាពនៃភាពជាដៃគូរវាងរដ្ឋនិងឯកជន ជាពិសេសភាពជោគជ័យនៃកិច្ចសហការយុទ្ធសាស្ត្រនេះ គឺជាឆ្អឹងខ្នងដ៏មានឥទ្ធិពលក្នុងការបំប្លែងកម្លាំងពលកម្មកម្ពុជាឱ្យទៅជាមូលធនមនុស្សដែលមានជំនាញច្បាស់លាស់ប្រកបដោយភាពធន់និងឧត្តមភាពប្រកួតប្រជែងទាំងក្នុងតំបន់ និងសកលលោក។ បន្ថែមពីនេះ សាលារៀនវ៉េស្ទឡាញន៍ក៏ជួយកសាងនូវភាពជឿជាក់ទៅដល់អ្នកវិនិយោគក្នុងការទទួលបាននូវធនធានមនុស្សប្រកបដោយចំណេះដឹង ជំនាញ និងបំណិនជីវិតសម្រាប់បម្រើការនៅតាមរោងចក្រ សហគ្រាស និងគ្រឹះស្ថានផ្សេងៗ។ ទន្ទឹមនេះ ការនាំយកកម្មវិធីអន្តរជាតិ Pearson Edexcel ជូនដល់សិស្សកម្ពុជាដែលជាទំពាំងស្នងឫស្សីគឺពិតជាមានតម្លៃយ៉ាងធំធេងនៅក្នុងការរួមចំណែក