蒙多基里省森莫诺隆市野象群出没 毁坏民宅1间

ហ្វូងដំរីព្រៃចូលទាញផ្ទះអ្នកស្រុក បាក់អស់មួយខ្នងនៅក្រុងសែនមនោរម្យ មណ្ឌលគិរី ៖ វត្តមានហ្វូងដំរីព្រៃ ចំនួន៥ក្បាល ចូលអុកឡុក ទាញបោចផ្ទះអ្នកស្រុក បណ្តាលឱ្យបាក់អស់មួយខ្នង នៅយប់ថ្ងៃទី២៩ ខែមេសា ឆ្នាំ២០២៦ នៅក្នុងសង្កាត់រមនា ក្រុងសែនមនោរម្យ ខេត្តមណ្ឌលគិរី ។ តាមប្រជាពលរដ្ឋបានឱ្យដឹងថា ក្នុងរយៈពេល២ទៅ៣ឆ្នាំនេះ ឃើញវត្តមានហ្វូងដំរីព្រៃ ចូលភូមិអ្នកស្រុក ចូលដីចំការពលរដ្ឋញឹកញាប់ តែនៅយប់ថ្ងៃទី២៩ ខែមេសា ឆ្នាំ២០២៦ មានហ្វូងដំរីព្រៃចំនួន៥ក្បាល ចូលភូមិអ្នកស្រុក ទាញបោចផ្ទះ បណ្តាលឱ្យបាក់មួយខ្នង លុះមកដល់ព្រឹកថ្ងៃទី៣០ ខែមេសា នេះ ហ្វូងដំរីដដែល ឃើញនៅចូលដីចំការ ចម្ងាយពីភូមិអ្នកស្រុកប្រមាណជាង១គីឡូម៉ែត្រ ។ ពលរដ្ឋបន្តទៀតថា មួយរយៈនេះ ពួកគាត់លែងហ៊ានដេកចាំចំការទៀតហើយ ដោយសារខ្លាចប៉ះហ្វូងដំរីព្រៃ ចូលមកអុកឡុក ៕