旅游警察局辟谣博瑞迪弗拉员工贪腐案 涉案金额近200万美元

ការពិតពីក្រោយការចោទប្រកាន់លើសមត្ថកិច្ច៖ នាយកដ្ឋាននគរបាលទេសចរណ៍ បំភ្លឺករណីបុគ្គលិកលួចលុយក្រុមហ៊ុន ឌឹ ផ្លរ៉ា ជិត ២លានដុល្លារ នាយកដ្ឋាននគរបាលទេសចរណ៍បានចេញសេចក្តីបំភ្លឺទាត់ចោលការចោទប្រកាន់លើបណ្តាញសង្គមរបស់បុគ្គលពីររូបគឺឈ្មោះ ហួត សិទ្ធិរាជ និង បេ ម៉េងឆាយ ដែលបានប្រឌិតព័ត៌មានថា សមត្ថកិច្ចបានចាប់ខ្លួន ឃុំឃាំង និងគំរាមទារប្រាក់ចំនួន ៥០,០០០ ដុល្លារ កាលពីថ្ងៃទី១៣ និង១៤ ខែកក្កដា ឆ្នាំ២០២៦។ តាមការពិត នគរបាលបានចុះអនុវត្តច្បាប់តាមបណ្តឹងរបស់ក្រុមហ៊ុន **«**ឌឹ** **ផ្លរ៉ា** **អាន** **ឌីវីឡុបមីន** **ឯ**.**ក**» (**បុរី** **ឌឹ** **ផ្លរ៉ា**)** ពាក់ព័ន្ធនឹងករណីកិបកេងនិងលួចលុយក្រុមហ៊ុនចំនួន ១,៩៦១,១៩៩.៣២ ដុល្លារ ដោយរកឃើញថាគណនីរបស់ឈ្មោះ ហួត សិទ្ធិរាជ មានប្រាក់រហូតដល់ ៥០៥,០០០ ដុល្លារ ដែលខុសប្លែកស្រឡះពីប្រាក់ខែរបស់នាងត្រឹមតែ ៤០០ ដុល្លារក្នុងមួយខែ ហើយរូបនាងក៏បានស្ម័គ្រចិត្តប្រគល់លុយនោះទៅឱ្យក្រុមហ៊ុនវិញដើម្បីសម្របសម្រួលសុំដកពាក្យបណ្តឹង រីឯឈ្មោះ បេ ម៉េងឆាយ មិនបានសហការឆ្លើយបំភ្លឺឡើយ ដោយសមត្ថកិច្ចបានអនុញ្ញាតឱ្យពួកគេទាំងពីរត្រឡប់ទៅផ្ទះវិញដោយគ្មានការបង្ខិតបង្ខំ គំរាមកំហែង ឬឃុំខ្លួនឡើយ។ នាយកដ្ឋាននគរបាលទេសចរណ៍បានអំពាវនាវដល់សាធារណជនកុំឱ្យចែករំលែកព័ត៌មានមិនពិតនេះ និងបញ្ជាក់ថានឹងបន្តចាត់វិធានការច្បាប់ចំពោះការផ្សព្វផ្សាយបំភ្លៃការពិត ដែលធ្វើឱ្យប៉ះពាល់ធ្ងន់ធ្ងរដល់កិត្តិយស និងសេចក្តីថ្លៃថ្នូររបស់កងកម្លាំងនគរបាលជាតិ។