柬埔寨要求UNESCO记录柏威夏寺受损情况 旨在维护文化遗产

តើការទទូចស្នើសុំឱ្យតំណាងអង្គការយូណេស្កូប្រចាំនៅកម្ពុជា ធ្វើរបាយការណ៍ទៅអង្គការយូណេស្កូ (UNESCO) អំពីការខូចខាតប្រាសាទព្រះវិហារមានសារៈសំខាន់យ៉ាងដូចម្តេចចំពោះកម្ពុជា? ក្រុមការងារសាធារណមតិកម្ពុជា (Cambodia PR Team) ថ្ងៃទី៥ ខែសីហា ឆ្នាំ២០២៦ បានឲ្យដឹងថា ការស្នើសុំនេះមានសារៈសំខាន់ក្នុងការធានាថា ការខូចខាតប្រាសាទព្រះវិហារក្នុងអំឡុងពេលកើតមានការប្រយុទ្ធត្រូវបានកត់ត្រា និងរាយការណ៍ទៅកាន់អង្គការយូណេស្កូ ដែលជាស្ថាប័នអន្តរជាតិទទួលបន្ទុកការពារបេតិកភណ្ឌ ពិភពលោក។ ជាមួយគ្នានេះដែរ វាក៏អាចជួយឱ្យសហគមន៍អន្តរជាតិបានដឹងពីស្ថានភាពនៃការខូចខាត សារៈសំខាន់នៃការការពារប្រាសាទព្រះវិហារ ព្រមទាំងដើម្បីឱ្យពិភពលោកបានឃើញពីការឈ្លានពានរបស់កងទ័ពថៃមកលើទឹកដីកម្ពុជាផងដែរ។ ជាពិសេស របាយការណ៍ និងការវាយតម្លៃរបស់អ្នកជំនាញ អាចក្លាយជាមូលដ្ឋានសម្រាប់ការរៀបចំផែនការការពារ និងស្តារប្រាសាទ ឡើងវិញ៕