劳工部启动2026年劳动力调查问卷优化

[来源: 柬埔寨国家电视台] [分类提示: NEWS] 标题: វិទ្យាស្ថានជាតិស្ថិតិនៃក្រសួងផែនការ រៀបចំសិក្ខាសាលាស្តីពីការប្រមូលធាតុចូលសម្រាប់កែលម្អកម្រងសំណួរអង្កេតកម្លាំងពលកម្មកម្ពុជា ឆ្នាំ២០២៦ វិទ្យាស្ថានជាតិស្ថិតិនៃក្រសួងផែនការ រៀបចំសិក្ខាសាលា ស្តីពីការប្រមូលធាតុចូលសម្រាប់កែលម្អកម្រងសំណួរអង្កេតកម្លាំងពលកម្មកម្ពុជា ឆ្នាំ២០២៦ ដើម្បីប្រមូលធាតុចូលពាក់ព័ន្ធទៅនឹងការងារ រចនាសម្ពន្ធ័នៃទម្រង់ការងារ ម៉ោងការងារ លក្ខខណ្ឌការងារ វិស័យការងារក្នុងប្រព័ន្ធ(រៀបរយ) វិស័យការងារក្រៅប្រពន្ធ័ (មិនរៀបរយ) និងស្ថិតិអំពីទម្រង់ការងារមានប្រាក់ឈ្នួលនិងគ្មានប្រាក់ឈ្នួល និងផលិតផលសម្រាប់ការ ប្រើប្រាស់ផ្ទាល់ខ្លួន ជាដើម សម្រាប់ជាមូលដ្ឋានកែលម្អកម្រងសំណួរអង្កេតកម្លាំងពលកម្មកម្ពុជាឆ្នាំ ២០២៦ ឱ្យបានកាន់តែប្រសើរឡើង។ ឯកឧត្តម ណោ វ៉ាន់ឌី នាយកវិទ្យាស្ថានជាតិស្ថិតិនៃក្រសួង ផែនការ បានមានប្រសាសន៍ថា ការអង្កេតកម្លាំងពលកម្មកម្ពុជា ឆ្នាំ២០២៦ នេះ គឺជាអង្កេតលើកទី៦ ដែលអនុវត្ត​ដោយវិទ្យាស្ថានជាតិ ស្ថិតិនៃក្រសួងផែនការ និងមាននាយកដ្ឋានស្ថិតិសង្គមកិច្ចជាសេនាធិការ ដោយមានការគាំទ្រថវិកាពីរាជរដ្ឋាភិបាលកម្ពុជា និងមានជំនួយបច្ចេកទេសពីអង្គការអន្តរជាតិខាងការងារ (ILO) អង្គការកម្មវិធីអភិវឌ្ឍន៍សហ ប្រជាជាតិ (UNDP) និងធនាគារពិភពលោក (WB)។ ឯកឧត្តម នាយកវិទ្យាស្ថានជាតិស្ថិតិនៃក្រសួងផែនការ បានមានប្រសាសន៍បន្តថា ក្នុងរយៈពេល ៥ឆ្នាំ ចុងក្រោយនេះ វិទ្យាស្ថានជាតិស្ថិតិនៃក្រសួងផែនការសម្រេចបានសមិទ្ធផលធំៗរួមមាន អង្កេតកសិកម្មប្រចាំឆ្នាំចាប់តាំងពីឆ្នាំ២០២០ ជំរឿនសេដ្ឋកិច្ច ឆ្នាំ២០២២ ជំរឿនកសិកម្មឆ្នាំ២០២៣ ២០២៤ និង ២០២៥ អង្កេតសេដ្ឋកិច្ច សង្គមកិច្ចកម្ពុជាឆ្នាំ២០២១ ឆ្នាំ២០២៣ និងអង្កេតប្រជាសាស្ត្រនិងសុខភាពកម្ពុជាឆ្នាំ២០២១។ បច្ចុប្បន្ននេះ វិទ្យាស្ថានជាតិស្ថិតិកំពុងអនុវត្តការងារវិភាគនិងសរសេររបាយការណ៍អង្កេតសេដ្ឋកិច្ច-សង្គមកិច