Wing银行副总裁出席中小企业论坛 将扩大信贷支持

លោក ហោ ប៊ុនថែ អគ្គនាយករងធនាគារ វីង បានចូលរួមជាវាគ្មិនកិត្តិយសជាមួយថ្នាក់ដឹកនាំជាន់ខ្ពស់មកពីស្ថាប័នក្រសួង និងសមាគមពាក់ព័ន្ធជាច្រើនរូបនៅក្នុងវេទិកាចែករំលែកចំណេះដឹងក្រោមប្រធានបទ៖ សក្តានុពល SME ក្នុងសេដ្ឋកិច្ចជាតិ ក្នុងគោលបំណងផ្តល់នូវធាតុចូលពីភាគីពាក់ព័ន្ធដើម្បីស្វែងរកដំណោះស្រាយរាល់បញ្ហាប្រឈម ក៏ដូចជាជំរុញកំណើន SME ខណៈដែលវិស័យនេះត្រូវបានចាត់ទុកជាឆ្អឹងខ្នងដ៏សំខាន់នៃសេដ្ឋកិច្ចជាតិកម្ពុជា។ លោក ហោ ប៊ុនថែ បានគូសបញ្ជាក់ពីការប្តេជ្ញាចិត្តរបស់ ធនាគារ វីង ដែលតែងតែយកចិត្តទុកដាក់ និងផ្តល់ការគាំទ្រដល់ SME តាមរយៈការពង្រីកលទ្ធភាពទទួលបានទុនបង្វិល ឥណទានបត់បែន ប្រព័ន្ធទូទាត់ឌីជីថល ដើម្បីជួយសម្រួលដល់ប្រតិបត្តិការអាជីវកម្ម ឱ្យកាន់តែមានភាពងាយស្រួល និងរលូន។ វេទិកាចែករំលែកនេះបានប្រព្រឹតិ្តទៅនៅក្នុងកម្មវិធីពិព័រណ៌ផលិតផលខ្មែរ ក្រោមមូលបទ៖ ខ្មែរធ្វើបាន ដែលរៀបចំឡើងដោយសហភាពសហព័ន្ធយុវជនកម្ពុជា ចាប់ពីថ្ងៃទី 6 ដល់ថ្ងៃទី 8 ខែវិច្ឆិកា ឆ្នាំ2026 នៅក្នុងរាជធានីភ្នំពេញ ព្រមទាំងមានការចូលរួមឧបត្ថម្ភពីធនាគារ វីង ផងដែរ។ ក្នុងនាមជាធនាគារខ្មែរ 100% ធនាគារ វីង នឹងបន្តចូលរួូមជាចលករក្នុងការគាំទ្រ និងជំរុញឱ្យ SME កម្ពុជាឱ្យកាន់តែរីកលូតលាស់។ #WingBank