暹粒省昂珠县招聘会6月5日开赛 提供4664个岗位

📣 ឱកាសការងារជាង ៤ ០០០ កន្លែង ក្នុងវេទិកាការងារ និងឱកាសកម្មសិក្សាការងាររបស់ទីភ្នាក់ងារជាតិមុខរបរ និងការងារនៅទឹកដីស្រុកអង្គជុំ នៃខេត្តសៀមរាប 👉 នៅថ្ងៃសុក្រ ទី០៥ ខែមិថុនា ខាងមុខនេះទីភ្នាក់ងារជាតិមុខរបរ និងការងារនៃក្រសួងការងារនិងបណ្តុះបណ្តាលវិជ្ជាជីវៈ សហការជាមួយរដ្ឋបាលស្រុកអង្គជុំ និង ស.ស.យ.ក វិស័យការងារសន្តិសុខសង្គម និងវិជ្ជាជីវៈ គាំទ្រដោយអង្គការអន្តរជាតិខាងការងារ នឹងរៀបចំវេទិកាការងារ និងឱកាសកម្មសិក្សាការងារ ដោយនាំយកការងារចំនួន ៤ ៦៦៤ កន្លែង សម្រាប់អ្នកកំពង់ស្វែងរកការងារ និងកម្មសិក្សាការងារអាចដាក់ពាក្យ និងសម្ភាសន៍ភ្លាមៗជាមួយក្រុមហ៊ុនធំៗជាច្រើនដែលចូលរួមតាំងបង្ហាញដោយផ្ទាល់។ វេទិកាការងារនេះនឹងប្រព្រឹត្តនៅក្នុងបរិវេណ សាលាស្រុកអង្គជុំ ខេត្តសៀមរាប ចាប់ពីម៉ោង ៨:០០ព្រឹក រហូតដល់ម៉ោង ៤:០០ ល្ងាច។    👉យុវជន និងអ្នកកំពុងស្វែងរកការងារ ដែលចាប់អារម្មណ៍ចង់ដាក់ពាក្យស្នើសុំការងារជាមួយក្រុមហ៊ុននានា សូមទាក់ទងមក NEA តាមរយៈលេខ ០៧៨ ៦៨២ ២៦៨/ ០១៦ ៥៣៦ ៦៥៥ ឬ គេហទំព័រ www.nea.gov.kh និងទំព័រ Facebook (neakhmer)៕