金边警方介入调查：流浪汉威胁外国游客事件

បុរសម្នាក់ដែលគំរាមរកវាយទៅលើជនបរទេស ម្នាក់ នៅក្បែររបងវត្តឧណ្ណា លោមដែលផ្សព្វផ្សាយក្នុងបណ្ដាញសង្គម គឺជាជនអនាថា គ្មានទីលំនៅពិតប្រាកដ សមត្ថកិច្ចកំពុងស្រវជ្រាវយកមកសួរនាំ! ✅ក្រោយមានការផ្សព្វផ្សាយតាមបណ្ដាញសង្គមជាសាធារណៈ មានបុរសម្នាក់ បានប្រើ សម្ដី មិន សមរម្យ និងគំរាមរកវាយទៅលើជនបរទេសម្នាក់ ជាអ្នកទេសចរ ខណៈជនបរទេសនោះlive រូបភាពវីដេអូ ហើយគាត់គ្រាន់និយាយសួរនាំសុខទុកធម្មតាទៅលើបុរសម្នាក់មិនស្គាល់អត្តសញ្ញាណ នៅក្បែររបងវត្តឧណ្ណាលោម ដោយរូបភាពនេះត្រូវបានជនបរទេសនោះយកផ្សព្វផ្សាយនៅក្នុងបណ្តាញសង្គម ។នាព្រឹកថ្ងៃទី១៩ខែមេសាឆ្នាំ២០២៦ ត្រូវបាននគរបាលខណ្ឌដូនពេញ ចុះ ធ្វើការស្រាវ ជ្រាវ បន្ទាន់ និងបានសាកសួរបងប្អូនប្រជាពលរដ្ឋ និងអ្នករត់ម៉ូតូកង់បី នៅក្បែរទីតាំង កើតហេតុផងដែរ។ ហេតុការណ៍នេះបានកើតឡើងកាលពីថ្ងៃទី០៩ ខែមេសា ឆ្នាំ២០២៦ មកម្លេះ ស្ថិតនៅ ក្បែររបង វត្តឧណ្ណា លោម នៅមូលដ្ឋានសង្កាត់ជ័យជំនះ ខណ្ឌដូនពេញ រាជធានីភ្នំពេញ។បច្ចុប្បន្នអនុវត្តតាមបទបញ្ជាផ្ទាល់ពីឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរងនិងជាស្នងការនគរបាលរាជធានីភ្នំពេញ កម្លាំងនគរបាលជំនាញព្រហ្មទណ្ឌ រួមជាមួយកម្លាំងនគរបាលប៉ុស្តិ៍រដ្ឋបាលជ័យជំនះ ចុះទៅ ដល់ ទីតាំង កើត ហេតុ បានធ្វើការស្រាវជ្រាវបុរសដែល ឈ្លោះនិ ង រកវាយ ទៅលើជនបរទេស ជាជនអនាថា គ្មានទីលំនៅច្បាស់លាស់ ដើរគ្រប់ទីកន្លែង និងដេកតាមទីសាធារណៈ។កាលពីថ្ងៃកើតហេតុ មានសប្បុរសជន មកចែកអំណោយ ដល់អ្នកធាក់ស៉ីក្លូ ហើយជននោះ ក៏បាននៅជិតទីនោះសុំអំណោយដែរ ហើយ ស្រាប់តែមានជនបរទេសដើរមក live វីដេអូ និយាយទៅកាន់បុរសនោះក្នុងគោលបំណងល្អ តែបុរសនោះបានប្រើពាក្យសំដីមិនសមរម្យនិងគំរាមរកវាយទៅលើជនបរទេសថាកុំlive ។ករណីនេះកម្លាំងនគរបាល និងបន្តស្រាវ ជ្រាវ រកបុរសនោះ នាំមកសួរនាំ ដើម្បីអនុវត្តតាមជំនាញ៕ ក្រុមការងារព័ត៌មាន និង ប្រតិកម្មរហ័សស្នងការរាជធានី