美国驻柬埔寨大使馆肯定东盟观察员团边境维和贡献

«ទូតអាមេរិក៖ ក្រុមអ្នកសង្កេតការណ៍អាស៊ាន មានសារៈសំខាន់យ៉ាងខ្លាំងចំពោះការអនុវត្តកិច្ចព្រមព្រៀងសន្តិភាពកម្ពុជា-ថៃ» ស្ថានទូតអាមេរិកប្រចាំនៅកម្ពុជា សម្តែងក្ដីរីករាយដែលបានជួបក្រុមអ្នកសង្កេតការណ៍អាស៊ាន(AOTs)ពីរក្រុម ដែលមានមូលដ្ឋាននៅប្រទេសកម្ពុជា។ តាមរយៈទំព័រហ្វេសប៊ុកនៅព្រឹកថ្ងៃចន្ទនេះ ស្ថានទូតអាមេរិកបានចាត់ទុកបេសកកម្មរបស់ក្រុមអ្នកសង្កេតការណ៍អាស៊ានក្នុងការអង្កេត ត្រួតពិនិត្យ និងរាយការណ៍អំពីស្ថានភាពតាមតំបន់ព្រំដែន នៅតែមានសារៈសំខាន់យ៉ាងខ្លាំងចំពោះការអនុវត្តកិច្ចព្រមព្រៀងសន្តិភាពទីក្រុងកូឡាឡាំពួរ។ ស្ថានទូតអាមេរិកប្រចាំនៅកម្ពុជា បានអបអរសាទរ និងអរគុណដល់ប្រទេសម៉ាឡេស៊ី និងមេបញ្ជាការរបស់ខ្លួន ចំពោះការបំពេញបេសកកម្មប្រកបដោយជោគជ័យ និងអរគុណដល់ប្រទេសហ្វីលីពីនចំពោះការដឹកនាំក្រុម AOTs ក្នុងពេលដែលធ្វើជាម្ចាស់ផ្ទះរៀបចំកិច្ចប្រជុំអាស៊ាននាឆ្នាំនេះ៕