柬泰边境局势趋紧 洪森重申和平解决争端

សម្ដេចតេជោ ហ៊ុន សែន ច្រានចោលការចុះផ្សាយរបស់សារព័ត៌មានថៃមួយចំនួន ដែលដកស្រង់ប្រសាសន៍របស់សម្តេចខុសពីការពិត ជុំវិញជំហរកម្ពុជាក្នុងការដោះស្រាយបញ្ហាព្រំដែនជាមួយប្រទេសថៃ។ សូមរំឭកថា កាលពីថ្ងៃអង្គារ ទី៩ ខែមិថុនា ឆ្នាំ២០២៦ កន្លងទៅ នៅក្នុងឱកាសជួបសំណេះសំណាលជាមួយបងប្អូនប្រជាពលរដ្ឋ ដែលត្រូវបានកងទ័ពថៃព័ទ្ធយកភូមិឋានរបស់ពួកគាត់ និងកំពុងស្នាក់នៅផ្ទះបណ្ដោះអាសន្ននៅខេត្តបន្ទាយមានជ័យ សម្ដេចតេជោបានលើកឡើងពីជំហរកម្ពុជា ដែលត្រូវទាមទារយកទឹកដីដែលកងទ័ពថៃបានកាន់កាប់ដោយខុសច្បាប់មកវិញ តាមរយៈដំណោះស្រាយសន្តិវិធី ដោយមិនត្រូវប្រើប្រាស់កម្លាំងទ័ពនោះទេ ព្រោះវានាំឱ្យកើតវិនាសកម្មកាន់តែធ្ងន់ធ្ងរ។ ប៉ុន្តែប្រសាសន៍របស់សម្ដេចត្រូវបានសារព័ត៌មានក្នុងស្រុករបស់ថៃដកស្រង់យកទៅចុះផ្សាយ ធ្វើឱ្យមានការភាន់ច្រឡំថា កម្ពុជាមានបំណងចង់ប្រើកម្លាំងទ័ពដណ្ដើមទឹកដីនោះយកមកវិញ។ ជាមួយគ្នានោះ មេដឹកនាំថៃ ក៏បានប្រតិកម្មតបមកវិញទាំងទទឹងទទែង ដោយមិនបានផ្ទៀងផ្ទាត់រកការពិតសោះ ដោយលើកឡើងថា “ប្រសិនបើចង់ប្រើកម្លាំងទ័ពទាមទារយកទឹកដីវិញ កម្ពុជាត្រូវពិចារណាសិន”។ សារឆ្លើយតបបែបនេះ អាចនឹងធ្វើឱ្យស្ថានភាពកាន់តែតានតឹងឡើងវិញ។