金边菩森芷区火车撞上集装箱卡车 无人员伤亡

សង្ស័យបើកបរខ្វះការប្រុងប្រយ័ត្ន បណ្ដាលឱ្យរថភ្លើងបុកកុងតឺន័រពេញទំហឹង សំណាងល្អគ្មានអ្នករងរបួស... មានការភ្ញាក់ផ្អើលមួយបានកើតឡើង បន្ទាប់ពីសង្ស័យអ្នកបើកបរខ្វះការប្រុងប្រយ័ត្ន បណ្ដាលឱ្យរថភ្លើងមួយខ្សែបានបុកជាមួយរថយន្តកុងតឺន័រពេញទំហឹង ខណៈកំពុងឆ្លងកាត់ផ្លូវរថភ្លើង។ ហេតុការណ៍នេះបានកើតឡើងនៅវេលាម៉ោង ៣៖០៥នាទីរសៀល ថ្ងៃទី១៩ ខែសីហា ឆ្នាំ២០២៦ ស្ថិតនៅតាមបណ្ដោយផ្លូវរថភ្លើង ក្នុងភូមិព្រៃសាលា សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ។ តាមព័ត៌មានបឋម ករណីនេះបង្កឡើងដោយសង្ស័យការបើកបរខ្វះការប្រុងប្រយ័ត្ន ខណៈរថយន្តកុងតឺន័រឆ្លងកាត់ផ្លូវរថភ្លើង ហើយត្រូវបានរថភ្លើងបុកយ៉ាងពេញទំហឹង បណ្ដាលឱ្យរថយន្តរងការខូចខាត។ ជាសំណាងល្អ ហេតុការណ៍នេះ មិនបានបណ្ដាលឱ្យមានមនុស្សណាម្នាក់រងរបួស ឬបាត់បង់ជីវិតឡើយ។ ក្រោយកើតហេតុ សមត្ថកិច្ចពាក់ព័ន្ធបានចុះទៅកាន់ទីតាំង ដើម្បីពិនិត្យ និងចាត់វិធានការតាមនីតិវិធី ព្រមទាំងសម្របសម្រួលដោះស្រាយករណីនេះ។