柬埔寨政府加速推进城市现代化 重点优化金边排水及基建

រាជរដ្ឋាភិបាល បាននិងកំពុងជំរុញការរៀបចំក្រុង និងទីប្រជុំជនឱ្យក្លាយជាទីក្រុងសហសម័យ ដែលមានសោភណភាព សណ្តាប់ធ្នាប់ និងភាពធន់ ស្របតាមសក្ដានុពល និងតម្រូវការអភិវឌ្ឍន៍នាពេលបច្ចុប្បន្ន និងអនាគត ដើម្បីបង្កើតសកម្មភាពសេដ្ឋកិច្ច និងលើកកម្ពស់គុណភាពរស់នៅរបស់ប្រជាពលរដ្ឋ។ កិច្ចប្រជុំបានបង្ហាញគម្រោងសំខាន់ៗមួយចំនួនរួមមាន ការរៀបចំប្លង់គោល ផែនការប្រើប្រាស់ដី និងការអភិវឌ្ឍតំបន់ឆ្នេរប្រកបដោយភាពធន់ ចីរភាព និងបរិយាប័ន្ន។ ជាមួយគ្នានេះ ក៏មានការចែករំលែកទស្សនទានគម្រោងកែលម្អសោភណភាពមហាវិថីសំខាន់ៗ ដូចជា មហាវិថីសម្តេចធិបតី មហាវិថីហាណូយ និងមហាវិថីព្រះមុនីវង្ស ព្រមទាំងការដោះស្រាយប្រព័ន្ធលូ និងរំដោះទឹកភ្លៀងក្នុងរាជធានីភ្នំពេញ ការរៀបចំវត្តអារាម ការសាងសង់អគារទីស្តីការក្រសួងមហាផ្ទៃ ការអភិវឌ្ឍប្រព័ន្ធភស្តុភារកម្មផ្លូវដែកនៅកម្ពុជា ការកែលម្អសោភណភាពកំណាត់ផ្លូវជាតិលេខ៤ ក្នុងក្រុងច្បារមន ខេត្តកំពង់ស្ពឺ និងការកែលម្អសាលារៀននៅទូទាំងប្រទេស ដើម្បីគាំទ្រការអភិវឌ្ឍទីក្រុង និងសហគមន៍ឱ្យកាន់តែមានប្រសិទ្ធភាព និងប្រកបដោយចីរភាព។ [**Join AMS One-minute**](https://t.me/ams1minute)