国家儿童医院新建外科大楼 获520万美元慈善捐赠

[来源: 柬埔寨国家电视台] [分类提示: NEWS] 标题: អគារវះ កាត់ កម្ពស់ ៤ជាន់ ក្រោមថវិកាសាងសង់សរុបជាង ៥លានដុល្លារ បានប្រារព្ធធ្វើពិធីក្រុងពាលីបញ្ចុះបឋមសិលា បើកដ្ឋានបុកគ្រឹះសាងសង់អគារសល្យសាស្ត្រកុមារ នៅមន្ទីរពេទ្យកុមារជាតិ (ភ្នំពេញ)៖ នៅរសៀលថ្ងៃទី១៤ ខែមិថុនា ឆ្នាំ២០២៦ មន្ទីរពេទ្យកុមារជាតិ បានប្រារព្ធពិធីក្រុងពាលីបញ្ចុះបឋមសិលា បើកដ្ឋានបុកគ្រឹះសាងសង់អគារសល្យសាស្ត្រកុមារ (អគារវះ កាត់កុមារ) ដែលមាកម្ពស់ ៤ជាន់ ចំណាយទឹកប្រាក់សាងសង់សរុប ៥លាន២សែនដុល្លារ ជាអំណោយសប្បុរសធម៌ដ៏ថ្លៃថ្លារបស់សមាគមនិកាយ សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ សម្រាប់ពង្រីកវិសាលភាពសេវាផ្នែកវះកាត់នៃមន្ទីរពេទ្យកុមារជាតិ ឆ្លើយតបនឹងតម្រូវការសេវាថែទាំព្យាបាលកុមារកាន់តែប្រសើរ។ ពិធីក្រុងពាលីបញ្ចុះបឋមសិលា បើកដ្ឋានបុកគ្រឹះសាងសង់អគារសល្យសាស្ត្រកុមារនេះ បានប្រព្រឹត្តទៅក្រោមវត្តមាន លោកជំទាវសាស្ត្រាចារ្យ គ្រុយ លាងស៉ីម អនុរដ្ឋលេខាធិការក្រសួងសុខាភិបាល និងជាប្រធានក្រុមប្រឹក្សាភិបាលនៃមន្ទីរពេទ្យកុមារជាតិ និងលោកសាស្ត្រាចារ្យ ញឹប អង្គាបុស្ស នាយកមន្ទីរពេទ្យកុមារជាតិ រួមទាំងថ្នាក់ដឹកនាំ លោកគ្រូ អ្នកគ្រូពេទ្យជាច្រើនរូបទៀត។ លោកសាស្ត្រាចារ្យ ញឹប អង្គាបុស្ស បានឲ្យដឹងថា អគារសល្យសាស្ត្រកុមារ បានសាងសង់លើទំហំដី ៣,២៨៧ម៉ែត្រការ៉េ កម្ពស់ ២០.៤ម៉ែត្រ(២០.៩ម៉ែត្រទាំង កាំជណ្តើរ) បណ្តោយ ២៩.៩ម៉ែត្រ ទទឹង២៣.៦ម៉ែត្រ កម្ពស់៤ជាន់ (ទាំងជាន់ផ្ទាល់ដី) រួមទាំងការបំពាក់សម្ភារៈបរិក្ខាចាំបាច់ នឹងជួយពង្រឹងសមត្ថភាពផ្នែកវះកាត់នៃមន្ទីរពេទ្យកុមារជាតិ។ គម្រោងនេះនឹងពង្រីកលទ្ធភាពមន្ទីរពេទ្យក្នុងការបម្រើសេវាសុខភាពដល់កុមារកម្ពុជា និងសង្ឃឹមយ៉ាងមុតមាំថា គម្រោងនេះ ទទួលបានការគាំទ្រពីរាជរដ្ឋាភិបាល និងទទួលបានជោគជ័យស្របតាមយុទ្ធសាស្ត្រក្រសួងសុខាភិបាល។ លោកសាស្ត្រាចារ្យ ញឹប អង្គាបុស្ស បានឲ្យដឹងទៀតថា ក្រោមការដឹកនា