水源气象部发布预警 6月14至16日全国多地有雷暴强风

ក្រសួងធនធានទឹក៖ ចាប់ពីថ្ងៃទី១៤-១៦ មិថុនា កម្ពុជាអាចមានភ្លៀង ផ្គររន្ទះ និងខ្យល់កន្ត្រាក់នៅតំបន់មួយចំនួន ភ្នំពេញ៖ ក្រសួងធនធានទឹក និងឧតុនិយម បានឱ្យដឹងថា សម្ពាធទាបនៅលើសមុទ្រចិនខាងត្បូង កំពុងមានឥទ្ធិពលលើរបបខ្យល់មូសុងនិរតី ដែលបក់លើអាងទន្លេមេគង្គ សមុទ្រកម្ពុជា និងព្រះរាជាណាចក្រកម្ពុជា ធ្វើឱ្យចាប់ពីថ្ងៃទី១៤ ដល់ថ្ងៃទី១៦ ខែមិថុនា ឆ្នាំ២០២៦ តំបន់មួយចំនួនអាចមានភ្លៀងធ្លាក់ លាយឡំជាមួយផ្គររន្ទះ និងខ្យល់កន្ត្រាក់។ តាមការព្យាករណ៍ តំបន់វាលទំនាបអាចមានភ្លៀងគ្របដណ្តប់ប្រមាណ២០% នៃផ្ទៃដី ខណៈតំបន់ខ្ពង់រាបអាចមានភ្លៀងប្រមាណ៤០% និងតំបន់មាត់សមុទ្រប្រមាណ២៥%។ ទន្ទឹមនឹងនេះ រលកសមុទ្រមានកម្ពស់ពី០,៥០ម៉ែត្រ ដល់១,៥០ម៉ែត្រ។ ក្រសួងបានអំពាវនាវឱ្យសាធារណជនបន្តតាមដានព័ត៌មានព្យាករណ៍អាកាសធាតុ និងបង្កើនការប្រុងប្រយ័ត្នចំពោះបាតុភូតផ្គររន្ទះ ខ្យល់កន្ត្រាក់ និងភ្លៀងធ្លាក់ ដែលអាចកើតមាននៅតំបន់មួយចំនួនក្នុងអំឡុងពេលខាងមុខនេះ។