卫生部突击检查茶胶省巴地县卫生中心 服务获好评

**មណ្ឌលសុខភាពទន្លេបាទី៖ ការខិតខំប្រឹងប្រែងដែលគួរឱ្យសរសើរ និងទទួលបានជំនឿទុកចិត្តពីប្រជាពលរដ្ឋ។** ការចុះពិនិត្យដោយមិនជូនដំណឹងជាមុន បានឃើញនូវលទ្ធផលគួររីករាយ និងលើកទឹកចិត្ត៖ ១. **ការបម្រើប្រជាពលរដ្ឋ៖** មានអ្នកមកពិគ្រោះជំងឺប្រមាណ ៥០នាក់ក្នុងមួយថ្ងៃ ជាមួយនឹងការពេញចិត្ត និងជំនឿទុកចិត្តលើសេវា។ ២. **គុណភាពការងារ៖** ការចាក់វ៉ាក់សាំងបានតាមផែនការ ការតាមដាន ការណាត់ជួប និងការបំពេញឯកសារ អនុវត្តបានល្អត្រឹមត្រូវ។ ៣. **បរិស្ថាន និងឱសថ៖** មានអនាម័យស្អាតល្អ ឱសថគ្រប់គ្រាន់ និងរៀបចំមានសណ្តាប់ធ្នាប់។ ៤. **បេះដូងអ្នកបម្រើ៖** ប្រធាន និងបុគ្គលិកមានទឹកមុខរួសរាយរាក់ទាក់ សុជីវធម៌ និងការយកចិត្តទុកដាក់ចំពោះអ្នកជំងឺ។ នេះជាគុណតម្លៃដែលមិនអាចវាស់បានត្រឹមតួលេខ។ ៥. **ការយកចិត្តទុកដាក់បន្ថែម៖** ត្រូវពង្រឹងការប្រចាំការ ដោយមិនទុកបុគ្គលិកស្ម័គ្រចិត្តប្រចាំការជំនួសឡើយ ជាពិសេសថ្ងៃបុណ្យ និងថ្ងៃឈប់សម្រាក ព្រោះជំងឺ និងប្រជាពលរដ្ឋត្រូវការសេវាគ្រប់ពេល។ ៦. **មហិច្ឆតាដើម្បីប្រជាពលរដ្ឋ៖** ប្រធាន និងបុគ្គលិកប្តេជ្ញាបង្កើនលទ្ធភាពបម្រើប្រចាំថ្ងៃឲ្យលើសពី៥០-៦០នាក់ក្នុងមួយថ្ងៃ ដោយរក្សាគុណភាព និងសុវត្ថិភាព សម្រាប់ប្រជាពលរដ្ឋនៅឃុំជុំវិញ និងតំបន់រោងចក្រ។ **សូមផ្តល់កម្លាំងចិត្តដល់បុគ្គលិកទាំងអស់ ឱ្យបំពេញភារកិច្ចដោយមនសិការ និងការទទួលខុសត្រូវ។** «**ធ្វើបានល្អ គួរឱ្យកោតសរសើរ។ បន្តធ្វើឱ្យកាន់តែល្អ គឺជាការទទួលខុសត្រូវចំពោះសុខភាពប្រជាពលរដ្ឋ។»** ** ** **តាកែវ៖ នារសៀលថ្ងៃចន្ទ ទី១២ ខែតុលា ឆ្នាំ២០២៦** **🌐**[Website](https://moh.gov.kh/kh/home) 📱[Facebook](https://www.facebook.com/MinistryofHealthofCambodia?mibextid=ZbWKwL) 📱[Telegram](https://t.me/MOHCambodia) 📱[X (twitter](https://x.com/MohCambodia)) 📱[Tiktok](https://www.tiktok.com/@mohcambodia) 📱[YouTube](https://www.youtube.com/@MOHCambodia)