柬埔寨医疗保健行业就业市场保持稳定，正释放大量技术

ផ្អែកលើការស្ទង់មតិចុងក្រោយលើទីផ្សារការងារក្នុងវិស័យសុខាភិបាលបានឆ្លុះបញ្ចាំងថាអនុវិស័យនេះនៅតែបន្តរក្សាស្ថិរភាពយ៉ាងរឹងមាំនិងកំពុងបង្ហាញពីសក្តានុពលខ្ពស់ក្នុងការបង្កើតឱកាសការងារយ៉ាងសម្បូរបែបសម្រាប់យុវជន បច្ចុប្បន្នទីផ្សារការងារក្នុងវិស័យថែទាំសុខភាពមួយនេះកំពុងបើកទ្វារស្វាគមន៍យ៉ាងទូលំទូលាយសម្រាប់កម្លាំងពលកម្មជំនាញចាប់តាំងពីកម្រិតបច្ចេកទេស រដ្ឋបាល រហូតដល់ផ្នែកគ្រប់គ្រង ព្រមទាំងផ្តល់ប្រាក់បៀវត្សរ៍យ៉ាងសមរម្យនិងខ្ពស់ទៅតាមសមត្ថភាពជាក់ស្តែង។ រូបភាពខាងក្រោមនេះ គឺបង្ហាញពីមុខរបរលេចធ្លោដែលកំពុងមានតម្រូវការខ្ពស់ក្នុងវិស័យនេះដូច្នេះសូមចូលរួមស្វែងយល់ដើម្បីត្រៀមលក្ខណៈសម្បត្តិ និងចាប់យកអាជីពដ៏មានស្ថិរភាពនាពេលអនាគត។ យុវជន និងអ្នកកំពុងស្វែងរកការងារ ដែលចាប់អារម្មណ៍ព័ត៌មានបន្ថែម សូមទាក់ទងមក NEA តាមរយៈលេខ ០១០ ២៣៦ ៦៥៥/ ០៩៧ ៥៧៥ ១៤៥១ ឬ គេហទំព័រ www.nea.gov.kh និងទំព័រ Facebook (neakhmer)៕ ប្រភព៖ ទស្សនវិស័យមុខរបរ និងការងារ តម្រូវការជំនាញ និងការងារសម្រាប់យុវជន ឆមាសទី១ ឆ្នាំ២០២៦