卫生部赴菩萨省医院督导 提升医疗服务质量

ការចុះពិនិត្យ និងការពង្រឹងគុណភាពសេវាសុខាភិបាល នៅមន្ទីរពេទ្យខេត្តពោធិ៍សាត់។ —— ខេត្តពោធិ៍សាត់៖ ថ្ងៃព្រហស្បតិ៍ ទី៥ ខែវិច្ឆិកា ឆ្នាំ២០២៦ ឯកឧត្តមសាស្តាចារ្យ ថុង សុខហ៊ាន រដ្ឋលេខាធិការក្រសួងសុខាភិបាល បានអញ្ជើញចុះបំពេញបេសកកម្មអភិបាលគាំទ្រ និងជំរុញការពង្រឹងគុណភាពសេវាថែទាំសុខភាព នៅមន្ទីរពេទ្យខេត្តពោធិ៍សាត់។ ឯកឧត្តមសាស្រ្តាចារ្យរដ្ឋលេខាធិការ បានមានអនុសាសន៍សង្កត់ធ្ងន់ទៅលើសារ:សំខាន់ នៃកិច្ចប្រជុំការងារបច្ចេកទេសពេលព្រឹក ការយាមប្រចាំការ និងការងាររដ្ឋបាល ការផ្ដោតសំខាន់លើការពង្រឹងសមត្ថភាពផ្តល់សុខភាពបឋមនៅមូលដ្ឋាន និងផ្តល់យោបល់ក្នុងការរៀបចំ និងពិនិត្យលើ៖ -ពង្រឹងគុណភាព សមត្ថភាព ការបម្រើសេវា ផ្នែកបដិសណ្ឋារកិច្ច ផ្នែកសង្គ្រោះបន្ទាន់ ផ្នែកវះកាត់ ផ្នែកអមវេជ្ជសាស្ត្រ និងការរៀបចំឯកសារអ្នកជំងឺ ការរៀបចំឯកសារផ្សេងៗ របស់មន្ទីរពេទ្យ និងការប្រើប្រាស់ថវិកា ដើម្បីអភិវឌ្ឍមន្ទីរពេទ្យ ប្រកបដោយតម្លាភាព និងប្រសិទ្ធភាព។ -សោភ័ណ្ឌភាពទីធ្លា អនាម័យ ហេដ្ឋារចនាសម្ព័ន្ធ និងឯកសណ្ឋាន របស់បុគ្គលិក និងការបម្រើសេវា លំហូរជំងឺនៅកន្លែងចុះឈ្មោះ OPD និងនៅបញ្ជរបង់ប្រាក់។ ក្នុងឱកាសនោះ ឯកឧត្តមសាស្ត្រាចារ្យ បានពាំនាំប្រសាសន៍ផ្តាំផ្ញើសួរសុខទុក្ខ ពីឯកឧត្តមសាស្ត្រាចារ្យរដ្ឋមន្ត្រី និងបានណែនាំបន្ថែមដល់មន្រ្តី ក្នុងការខិតខំប្រឹងប្រែងបំពេញការងារបន្ថែមទៀត តាមតួនាទីភារកិច្ចបានប្រគល់ជូន និងអនុវត្តទៅតាមទិសដៅ ជាយុទ្ធសាស្ត្រ និងជាអាទិភាពវិស័យសុខាភិបាល នៅក្នុងកម្មវិធីនយោបាយក្នុងអាណត្តិទី៧ របស់រាជរដ្ឋាភិបាល។ **🌐**[Website](https://moh.gov.kh/kh/home) 📱[Facebook](https://www.facebook.com/MinistryofHealthofCambodia?mibextid=ZbWKwL) 📱[Telegram](https://t.me/MOHCambodia) 📱[X (twitter)](https://x.com/MohCambodia) 📱[Tiktok](https://www.tiktok.com/@mohcambodia) 📱[YouTube](https://www.youtube.com/@MOHCambodia)