实居省政府工作组召开会议 部署下半年基层民生工作

[កំពុងដំណើរការ] ក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺ បូកសរុបការងារឆមាសទី១ និងលើកទិសដៅបន្តសម្រាប់ឆមាសទី២ ឆ្នាំ២០២៦ កំពង់ស្ពឺ៖ ក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺ បានរៀបចំកិច្ចប្រជុំបូកសរុបសកម្មភាព និងលទ្ធផលការងារប្រចាំឆមាសទី១ ព្រមទាំងដាក់ចេញនូវទិសដៅការងារសម្រាប់អនុវត្តបន្តក្នុងឆមាសទី២។ កិច្ចប្រជុំនេះ រៀបចំឡើងដោយផ្តោតលើរបៀបវារៈសំខាន់ៗចំនួន៣ រួមមាន៖ ទី១. ពិនិត្យវឌ្ឍនភាពនៃការអនុវត្តអនុសាសន៍ និងទិសដៅការងារដែលបានដាក់ចេញក្នុងកិច្ចប្រជុំកន្លងមក។ ទី២. ពិនិត្យ និងរកដំណោះស្រាយលើបញ្ហាប្រឈម ក៏ដូចជាសំណូមពរថ្មីៗរបស់ប្រជាពលរដ្ឋនៅមូលដ្ឋាន ដែលទទួលបានតាមរយៈវេទិកាសាធារណៈ។ ទី៣. ពិភាក្សាលើរបាយការណ៍រួម និងកំណត់ទិសដៅការងារអាទិភាព ព្រមទាំងការងារផ្សេងៗទៀតដែលត្រូវយកចិត្តទុកដាក់បន្ថែមសម្រាប់អនុវត្តបន្ត។ គួរបញ្ជាក់ផងដែរថា កិច្ចប្រជុំនារសៀលនេះ មានការអញ្ជើញចូលរួមពីសំណាក់ ឯកឧត្តម លោកជំទាវ ជាអនុប្រធាន និងសមាជិកក្រុមការងាររាជរដ្ឋាភិបាលចុះមូលដ្ឋានគ្រប់លំដាប់ថ្នាក់ ព្រមទាំងក្រុមការងារផ្នែកច្បាប់ ក្រុមការងារជនបង្គោលនៃក្រសួងមុខងារសាធារណៈ ប្រធានក្រុមប្រឹក្សាខេត្ត គណៈអភិបាលខេត្ត ប្រធានមន្ទីរ-អង្គភាព និងមន្ត្រីលេខាធិការដ្ឋានពាក់ព័ន្ធ សរុបអ្នកចូលរួមមានចំនួន ១០៧នាក់៕