磅湛省青年联合会开展防洪救灾 援助受灾家庭

ស.ស.យ.ក. ខេត្តកំពង់ចាម សូមគោរពជូនសកម្មភាពប្រចាំថ្ងៃទី២៤-២៥ ខែសីហា ឆ្នាំ២០២៦ ដូចខាងក្រោម៖ 👉 ក្រុមការងារ ស.ស.យ.ក. ស្រុក/ឃុំ ចូលរួមអមដំណើរ លោក ប៊ិន ឡាដា អភិបាលនៃគណៈអភិបាលស្រុកស្រីសន្ធរ និងកងកម្លាំងនគរបាលស្រុក ឃុំ ប្រជាការពារភូមិ ព្រមទាំងមានការនិមន្តចូលរួមពីព្រះវិសុទ្ធមុនី រស់ លីមខូយ ព្រះអនុគណស្រុក និងព្រះចៅអធិការវត្តទាំង៤ ក្នុងឃុំឬស្សីស្រុក ជួយរុះរើផ្ទះប្រឈមបាក់ស្រុតច្រាំងចូលទន្លេ និងនាំយកគ្រឿងឧបភោគ បរិភោគ និងថវិកាឧបត្ថម្ភជូន៣គ្រួសារ ដែលប្រឈមបាក់ស្រុត និងរុះរើផ្ទះ ដោយសារទឹកជំនន់ទន្លេមេគង្គ ស្ថិតនៅភូមិឬស្សីស្រុកលើ ឃុំឬស្សីស្រុក ស្រុកស្រីសន្ធរ ខេត្តកំពង់ចាម។ 👉 លោក ឌី ចក់ ប្រធានស.ស.យ.ក. ឃុំគរបានចូលរួមប្រជុំសាមញ្ញលើកទី៥០ អាណត្តិទី៥ របស់ក្រុមប្រឹក្សាឃុំគរ ស្រុកព្រៃឈរ។ 👉 លោក អេង ណាង សមាជិក ស.ស.យ.ក. ឃុំគរបានជួយសម្របសម្រួលជូនប្អូនស្រីឈ្មោះ ហុិន លីដា អាយុ ២៥ឆ្នាំនៅភូមិតាមាស ឃុំគរទៅធ្វើសៀវភៅស្នាក់នៅ និងសៀវភៅគ្រួសារនៅប៉ុស្តិ៍នគរបាលរដ្ឋបាលឃុំគរ។ 👉 អ្នកស្រី ប៉ុក លីដា ជំនួយការឃុំគរជាសមាជិក ស.ស.យ.ក.ឃុំបានទៅសម្ភាសក្រួសារក្រីក្រ និងរងហានិភ័យនៅភូមិម្រេញ ឃុំគរ ស្រុកព្រៃឈរ ខេត្តកំពង់ចាម។ 👉 លោក អេង ណាង សមាជិក ស.ស.យ.ក.ឃុំគរ បានជួយសម្របសម្រួលជូនប្អូនប្រុស ហោ រ៉ា អាយុ ១៧ឆ្នាំនៅភូមិតាមាស ឃុំគរ ទៅធ្វើអត្តសញ្ញាណប័ណ្ណសញ្ជាតិខ្មែរនៅការិយាល័យច្រកចេញចូលតែមួយ ស្រុកព្រៃឈរ។ 👉 លោកអេង ណាងសមាជិក ស.ស.យ.ក.ឃុំបានចូលរួមជាមួយអាជ្ញាធរភូមិអមដំណើរលោក ហ៊ាង កុយ ប្រធានអង្គការស្ពានកម្ពុជា ហូឡង់អញ្ជើញទៅសម្ភាសបងស្រី ផង់ ណាត អាយុ ៦៩ឆ្នាំជាស្រ្តីមេម៉ាយមានសមាជិកគ្រួសារសរុប ០៥នាក់មានជីវភាពខ្វះខាតដើម្បីធ្វើផ្ទះមួយខ្នងទំហំ ៤ម×៥មនៅភូមិតាមាស ឃុំគរ ស្រុកព្រៃឈរ។ 👉 អ្នកស្រី ប៉ុក លីដា ជំនួយការឃុំគរ និងជាសមាជិក ស.ស.យ.ក. បានទៅសម្ភាសគ្រួសារក្រីក្រ និងរងហានិភ័យនៅភូមិម្រេញ ឃុំគរ ស្រុកព្រៃឈរ ខេត្តកំពង់ចាម។