洪玛奈请求日本支持柬埔寨物流基建与污水处理系统

សម្តេច ហ៊ុន ម៉ាណែត ស្នើជប៉ុនឱ្យជួយលើការអភិវឌ្ឍន៍ហេដ្ឋារចនាសម្ព័ន្ធឡូជិស្ទិក និងប្រព័ន្ធចម្រោះទឹកកខ្វក់បន្ថែមទៀត សម្តេចនាយករដ្ឋមន្ត្រីកម្ពុជា បានស្នើឱ្យមិត្តជប៉ុន ពិនិត្យលទ្ធភាពក្នុងការគាំទ្រ រចនាសម្ព័ន្ធប្រព័ន្ធឡូជិស្ទិក និងប្រព័ន្ធចម្រោះទឹកកខ្វក់ នៅកម្ពុជាបន្ថែមទៀត។ សំណើនេះ ត្រូវបានលើកឡើង នៅក្នុងការប្រារព្ធ«ខួបអនុស្សាវរីយ៍លើកទី១៤០ នៃទិវាពលកម្ម អន្តរជាតិ ១ ឧសភា ឆ្នាំ២០២៦ និងខួបអនុស្សាវរីយ៍លើកទី៣០ នៃជំនួយអភិវឌ្ឍន៍ ផ្លូវការរបស់ជប៉ុនសម្រាប់កំពង់ផែស្វយ័តក្រុងព្រះសីហនុ (១៩៩៦-២០២៦) នៅថ្ងៃទី១ ខែឧសភានេះ។ ក្រៅពីនេះ ប្រមុខរាជរដ្ឋាភិបាល ក៏ស្នើជប៉ុន ផ្តោតការគាំទ្រ លើការរៀបចំឱ្យមានកម្មវិធីផ្លាស់ប្តូរចំណេះដឹង ជំនាញ បទពិសោធន៍ និងបច្ចេកវិទ្យា លើការអភិវឌ្ឍនវិស័យហេដ្ឋារចនាសម្ព័ន្ធរូបវន្ត។