金速卡获释后返回茶胶省祭祖 计划照顾患病母亲

ក្រោយការលើកលែងទោស លោក កឹម សុខា បានទៅស្រុកកំណើតដើម្បីគោរពវិញ្ញាណក្ខន្ធសាច់ញាតិ លោក កឹម សុខា បានធ្វើដំណើរទៅស្រុកកំណើត ដែលស្ថិតក្នុងភូមិត្រពាំងត្រកៀត ឃុំឧត្តមសូរិយា ខេត្តតាកែវ នៅព្រឹកថ្ងៃទី២៧ ខែឧសភានេះ ដើម្បីគោរពវិញ្ញាណក្ខន្ធ ជីដូន ជីតា ទាំងខាងឪពុក និងខាងម្តាយ។ នេះបើតាមលោក ផែង ហេង សហមេធាវីការពារក្តីលោក កឹម សុខា បង្ហោះនៅលើទំព័រហ្វេសប៊ុក នៅព្រឹកនេះ។ តាមរយៈមេធាវីរូបនេះ ដដែល លោក កឹម សុខា ដែលទើបទទួលបានការលើកលែងទោស ២៧ឆ្នាំ តែអស់សិទ្ធិ ធ្វើនយោបាយជាស្ថាពរ និងបន្តជាប់បម្រាមចេញក្រៅប្រទេស ៥ឆ្នាំ បានបញ្ជាក់ឡើងវិញ នូវបំណងរក្សាភាពស្ងប់ស្ងាត់ និងសាងផ្នួសសងគុណម្តាយ ដែលកំពុងឈឺធ្ងន់។ «មួយរយៈពេលខ្លីនេះ ឯកឧត្តមនៅរក្សាភាពស្ងប់ស្ងាត់ មើលថែម្តាយ ដែលកំពុងមានជម្ងឺធ្ងន់ធ្ងរ ហើយក៏គ្រោងសាងផ្នួសសងគុណម្តាយមួយរយៈពេល (មិនមែនសាងផ្នួសរហូតទេ)។»។ លោក ផែង ហេង បញ្ជាក់ដូច្នេះ មុននឹងបន្តថា លោក កឹម សុខា បានត្រឡប់ទៅមើលថែម្តាយរបស់គាត់នៅភ្នំពេញវិញ បន្ទាប់ពី គោរពវិញ្ញាណក្ខន្ធបុព្វការីជនរបស់ខ្លួន។ រូបភាព៖ ទំព័រហ្វេសប៊ុកលោក ផែង ហេង