司法部召开会议，检查公务员及合同制人员的数字化考勤系统进展，

ឯកឧត្តម កើត សេកាណូ និងឯកឧត្តម ផេង សុខលាភ អញ្ជើញដឹកនាំកិច្ចប្រជុំស្តីពីការត្រួតពិនិត្យវឌ្ឍនភាពការងារលើការគ្រប់គ្រងវត្តមានមន្រ្តីរាជការស៊ីវិល និងមន្រ្តីជាប់កិច្ចសន្យា និងទិន្នន័យព័ត៌មានកិច្ចប្រជុំរបស់ក្រសួងយុត្តិធម៌ តាមប្រព័ន្ធឌីជីថល ===================== នៅព្រឹកថ្ងៃពុធ ទី២១ ខែតុលា ឆ្នាំ២០២៦ ឯកឧត្តម កើត សេកាណូ ប្រតិភូរាជរដ្ឋាភិបាល និងជាអគ្គលេខាធិការនៃក្រសួងយុត្តិធម៌ និងឯកឧត្តម ផេង សុខលាភ អនុរដ្ឋលេខាធិការ បានអញ្ជើញដឹកនាំកិច្ចប្រជុំស្តីពីការត្រួតពិនិត្យវឌ្ឍនភាពការងារលើការគ្រប់គ្រងវត្តមានមន្រ្តីរាជការស៊ីវិល និងមន្រ្តីជាប់កិច្ចសន្យា និងទិន្នន័យព័ត៌មានកិច្ចប្រជុំរបស់ក្រសួងយុត្តិធម៌ តាមប្រព័ន្ធឌីជីថល។ អង្គប្រជុំ បានពិនិត្យ និងពិភាក្សាគ្នាយ៉ាងលម្អិត ក្នុងក្របខណ្ឌនៃការងារជំរុញបរិវត្តកម្មឌីជីថល តាមរយៈការធ្វើទំនើបកម្មរដ្ឋបាលលើការគ្រប់គ្រងវត្តមានមន្រ្តីរាជការស៊ីវិល និងមន្រ្តីជាប់កិច្ចសន្យា និងទិន្នន័យព័ត៌មានកិច្ចប្រជុំរបស់ក្រសួងយុត្តិធម៌ តាមប្រព័ន្ធឌីជីថល ដែលមានគោលបំណងពង្រឹងវិន័យការងារ តម្លាភាព គណនេយ្យភាព ការពង្រឹងសមត្ថភាព និងសមិទ្ធកម្មស្ថាប័ន ដើម្បីលើកកម្ពស់គុណភាពការងារប្រកបដោយវិន័យ សីលធម៌ វិជ្ជាជីវៈ ប្រសិទ្ធភាព និងស័ក្តិសិទ្ធិភាព សម្រាប់ជាមូលដ្ឋានក្នុងការវាយតម្លៃសមិទ្ធកម្មការងាររបស់មន្រ្តីរាជការម្នាក់ៗ ព្រមទាំងពង្រឹងនូវការផ្តល់សេវាគាំទ្រផ្នែករៀបចំកិច្ចប្រជុំផ្សេងៗជូនថ្នាក់ដឹកនាំ និងមន្រ្តីរាជការក្នុងក្រសួងយុត្តិធម៌ ឱ្យកាន់តែមានភាពងាយស្រួល ឆាប់រហ័ស ទាន់ពេលវេលា និងច្បាស់លាស់។ កិច្ចប្រជុំខាងលើនេះ មានការចូលរួមពី ឯកឧត្តម លោក លោកស្រី ដែលជាទីប្រឹក្សា អគ្គលេខាធិការរង ប្រធាននាយកដ្ឋាន ព្រមទាំងមន្រ្តីជំនាញពាក់ព័ន្ធផ្សេងៗទៀត។