钻石岛慈善跑活动圆满落幕 3000余人参与助力教育

កុមារតូចៗប្រឹងប្រែងរត់ប្រណាំងក្នុងកម្មវិធីរត់កម្សាន្ត «១ម៉ឺនជំហាន ដើម្បីសិស្ស ១ម៉ឺននាក់» ភ្នំពេញ៖ កុមារតូចៗ បានបញ្ចេញសមត្ថភាពរត់ប្រណាំង ក្នុងកម្មវិធី «១ម៉ឺនជំហាន ដើម្បីសិស្ស១ម៉ឺននាក់» នៅក្នុងចំណោមអ្នកចូលរួមសរុបជាង៣០០០នាក់ នៅកោះពេជ្រ នៅព្រឹកថ្ងៃទី៣១ ឧសភានេះ។ វិញ្ញាសារត់នៃកម្មវិធីនេះ មានចម្ងាយ ១០គីឡូម៉ែត្រ ៥គីឡូម៉ែត្រ និងដើរ ហើយរត់ចម្ងាយ ២,៥គីឡូម៉ែត្រ។ កុមារខ្លះបានចូលរួមរត់ក្នុងវិញ្ញាសាដើរ និងរត់២,៥គីឡូម៉ែត្រ និងខ្លះទៀត បានដើរកម្សាន្តចម្ងាយ ៥គីឡូម៉ែត្រដោយមានការលើកទឹកចិត្តពីឪពុកម្តាយ ដែលចូលរួមជាមួយពួកគេដែរ។ សម្រាប់កុមារតូចៗក៏បានឈ្នះរង្វាន់ ពីការរត់កម្សាន្តទៅតាមអាយុរបស់ពួកគេដែរ។ ការចូលរួមរបស់កុមារៗបង្ហាញពីសមត្ថភាពកីឡា និងការប្រកួតប្រជែងរបស់ពួកគេតាំងពីវ័យក្មេង។ កម្មវិធី «១ម៉ឺនជំហាន ដើម្បីសិស្ស ១ម៉ឺននាក់» ផ្តួចផ្តើមរៀបចំដោយមីក្រូហិរញ្ញវត្ថុអម្រឹត សហការជាមួយក្រសួងអប់រំ និងសារមន្ទីរសេដ្ឋកិច្ច និងហិរញ្ញវត្ថុ ព្រះស្រីឦសានវរ្ម័ន(ស.ស.រ) ដើម្បីលើកកម្ពស់ការអាន និងចំណេះដឹងហិរញ្ញវត្ថុ។ សូមបញ្ជាក់ថាក្នុងកម្មវិធីនេះ ក៏មានការតាំងពិព័រណ៍សៀវភៅខ្នាតតូចផងដែរ៕