暹粒省洪水消退50% 县政府及医院明日恢复办公

អភិបាលស្រុកអង្គរជុំ ខេត្ដសៀមរាប លោក ថាន់ អាន់ បានឱ្យដឹងថា ថ្ងៃទី២៨ ខែកញ្ញា ឆ្នាំ ស្ថានភាពជំនន់ទឹកភ្លៀងនៅស្រុកអង្គរជុំ គិតមកដល់ល្ងាចនេះ បានស្រកចុះប្រមាណ៥០%នៅតាមបណ្តាឃុំខាងលើមានឃុំស្រែខ្វាវ ឃុំ គោល និងឃុំដូនពេង ដោយឡែកឃុំ ចារឈូក និងឃុំ តាសោម ទឹកបានស្រកប្រហែល៤០% ចំពោះទីតាំងសាលាស្រុក មន្ទីរពេទ្យបង្គែក វិទ្យាល័យ និងទីតាំងផ្សាចារឈូកទឹកនៅបន្តលិចទីតាំងដដែល ប៉ុន្ដែលោកថា បើសិនមិនមានភ្លៀងធ្លាក់បន្ដទៀតទេ អគាររដ្ឋបាលសាលាស្រុក មន្ទីរពេទ្យបង្អែកស្រុក នៅថ្ងៃទី២៩ខែកញ្ញាស្អែកនេះ អាចនឹងបំពេញការងារបំរើជូនប្រជាពលរដ្ឋឡើងវិញបាន ហើយសម្រាប់មន្ទីរពេទ្យបង្អែក នៅតែបំរើការសេវាជូនអ្នកជំងឺនៅខាងក្រៅមន្ទីរពេទ្យដដែល ព្រោះអំឡុងមានជំនន់ទឹកភ្លៀង ក្រុមគ្រូពេទ្យបានជម្លៀសសំភារៈសង្គ្រោះចេញពីមន្ទីរពេទ្យទាំងអស់។