王毅会见布拉索昆 重申柬中铁杆友谊 磋商柬泰边境局势

លោកឧបនាយករដ្ឋមន្ត្រី ប្រាក់ សុខុន បានជួបពិភាក្សាទ្វេភាគីជាមួយលោក វ៉ាង យី ដែលនៅក្នុងជំនួបនេះ ភាគីទាំងពីរ បានបញ្ជាក់សាជាថ្មីនូវការប្តេជ្ញាឥតងាករេក្នុងការធ្វើឱ្យកាន់តែរឹងមាំនូវមិត្តភាពដែកថែបរវាងកម្ពុជា និងចិន ពង្រឹងនិងធ្វើឱ្យកាន់តែស៊ីជម្រៅនូវភាពជាដៃគូយុទ្ធសាស្ត្រគ្រប់ជ្រុងជ្រោយ ព្រមទាំងជំរុញការកសាងសហគមន៍វាសនារួមកម្ពុជា-ចិន គ្រប់រដូវកាល ក្នុងយុគសម័យថ្មី។ ភាគីទាំងពីរ បានគូសបញ្ជាក់អំពីសារៈសំខាន់នៃការអនុវត្តកុងសង់ស៊ីសជាយុទ្ធសាស្ត្ររវាងថ្នាក់ដឹកនាំនៃប្រទេសទាំងពីរ ឱ្យទៅជាកិច្ចសហប្រតិបត្តិការ និងលទ្ធផលជាក់ស្តែង។ ភាគីទាំងពីរក៏បានផ្លាស់ប្តូរយោបល់អំពីបញ្ហាតំបន់ និងអន្តរជាតិ ដែលផ្តល់ផលប្រយោជន៍រួមទៅវិញទៅមក ក៏ដូចជាការវិវត្តថ្មីៗពាក់ព័ន្ធនឹងស្ថានភាពព្រំដែនកម្ពុជា-ថៃ ព្រមទាំងសង្កត់ធ្ងន់ទៅលើសារៈសំខាន់នៃការបន្តការសន្ទនា និងកិច្ចសហប្រតិបត្តិការ ដើម្បីលើកកម្ពស់សន្តិភាព ស្ថិរភាព និងការអភិវឌ្ឍប្រកបដោយចីរភាពនៅក្នុងតំបន់៕