美国将越南列入知识产权黑名单 30天内或启动制裁

**អាមេរិកដាក់វៀតណាមចូល «បញ្ជីខ្មៅ» កម្រិតធ្ងន់បំផុតជុំវិញបញ្ហាកម្មសិទ្ធិបញ្ញា **ការិយាល័យតំណាងពាណិជ្ជកម្មសហរដ្ឋអាមេរិក (**USTR**) បានសម្រេចបញ្ចូលប្រទេស**វៀតណាម** ទៅក្នុងបញ្ជី **«ប្រទេសបរទេសអាទិភាព» (Priority Foreign Country)** ដែលជាបញ្ជីខ្មៅកម្រិតខ្ពស់បំផុត ក្នុងរបាយការណ៍ប្រចាំឆ្នាំរបស់ខ្លួន។ ការកំណត់អត្តសញ្ញាណនេះ ត្រូវបានបម្រុងទុកសម្រាប់ប្រទេសណាដែលមានសកម្មភាព គោលនយោបាយ និងការអនុវត្តដែលប៉ះពាល់យ៉ាងធ្ងន់ធ្ងរបំផុតដល់ផលិតផលរបស់សហរដ្ឋអាមេរិក ពាក់ព័ន្ធនឹងកម្មសិទ្ធិបញ្ញា (IP)។ USTR បានបញ្ជាក់ថា នេះជាលើកដំបូងក្នុងរយៈពេល ១៣ឆ្នាំ ដែលមានប្រទេសមួយត្រូវបានបញ្ចូលទៅក្នុងបញ្ជីខ្មៅកម្រិតខ្ពស់បំផុតបែបនេះ ខណៈដែលវៀតណាមត្រូវបានគេមើលឃើញថា ខ្វះវឌ្ឍនភាពគួរឱ្យកត់សម្គាល់ក្នុងការចរចា ដើម្បីផ្តល់ការការពារកម្មសិទ្ធិបញ្ញាឱ្យមានប្រសិទ្ធភាព និងគ្រប់គ្រាន់នោះទេ។ យ៉ាងណាម៉ិញ ក្នុងរយៈពេល ៣០ថ្ងៃទៀត អាមេរិកនឹងសម្រេចថា តើត្រូវបើកការស៊ើបអង្កេតផ្លូវការតាមច្បាប់ពាណិជ្ជកម្ម (មាត្រា ៣០១) ដែលអាចឈានទៅដល់ **ការដាក់ទណ្ឌកម្មពាណិជ្ជកម្ម** ប្រសិនបើមិនមានដំណោះស្រាយ។