实居省巴塞县召开党务会议 部署2027年乡分区选举

នៅព្រឹកថ្ងៃសៅរ៍ ទី១៩ ខែកញ្ញា ឆ្នាំ២០២៦ នៅទីស្នាក់ការគណបក្សប្រជាជនកម្ពុជាឃុំពោធិអង្គ្រង ស្រុកបសេដ្ឋ ខេត្តកំពង់ស្ពឺ ឯកឧត្តម ប្រាក់ សុណ្ណារ៉ា ប្រធានក្រុមការងារចុះមូលដ្ឋានឃុំ បានដឹកនាំអង្គប្រជុំបូកសរុបលទ្ធផលការងារខែកញ្ញា និងលើកទិសដៅការងារបន្តសម្រាប់ខែតុលា ឆ្នាំ២០២៦ រួមទាំងប្រកាសសេចក្ដីសម្រេចកែសម្រួលសមាសភាពក្រុមការងារចុះមូលដ្ឋានឃុំ។ ឯកឧត្តមប្រធាន ជាប្រធានអង្គប្រជុំបានពិនិត្យនិងពិភាក្សាលម្អិតលើលទ្ធផលការងារនីមួយៗនៃរបាយការណ៍ និងផ្ដល់អនុសាសន៍កែលម្អ ដើម្បីសម្រេចផែនការសកម្មភាពឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ/សង្កាត់អាណត្តិទី៦ ឆ្នាំ២០២៧។ ក្នុងកិច្ចប្រជុំនេះមានសមាសភាពចូលរួមក្រុមក្រុមការងារថ្នាក់កណ្ដាល ខេត្ត ស្រុក និងក្រុមការងារថ្នាក់ឃុំ ប្រធានគណៈកម្មាធិការសាខាបក្សភូមិ និងអនុប្រធានសាខាគណៈកម្មាធិការសាខាបក្សភូមិ ទាំង១៩ភូមិ និងសាខាបក្សចំណុះក្នុងឃុំ សរុបចំនួន៧១នាក់ ស្រី១១នាក់។ ក្រោយកិច្ចប្រជុំក្រុមការងារថ្នាក់កណ្ដាលចុះជួយភូមិច្រនាងចាស់ បានចុះចែកលិខិតអញ្ជើញពិនិត្យឈ្មោះនិងចុះឈ្មោះបោះឆ្នោតឆ្នាំ២០២៦ កំឡុងពេលចែកលិខិតអញ្ជើញ ក្រុមការងារក៏បានទៅសួរសុខទុក្ខប្រជាពលរដ្ឋមានជំងឺរ៉ាំរ៉ៃដែលមានជីវភាពលំបាក ចំនួន ០២គ្រួសារ និងបានចូលរួមឧបត្ថម្ភថវិកាសរុបចំនួន៣២០,០០០៛  រួមទាំងថវិការបស់សប្បុរសជន ឈ្មោះ ស៊ិន ស្រីពៅ ដែលមានចំនួន 100$ (ដុល្លារ)មកជួយរំលែកទុក្ខអ្នកជំងឺផងដែរ