马德望省医院慢性病与康复大楼正式启用 获韩国援助

[来源: 柬埔寨国家电视台] [分类提示: NEWS] 标题: ពិធីសម្ពោធជាផ្លូវការសមិទ្ធផលថ្មីនៃវិស័យសុខាភិបាល “អគារជំងឺមិនឆ្លង និងស្តារនីតិសម្បទា” នៃមន្ទីរពេទ្យខេត្តបាត់ដំបង តាមរយៈជំនួយមូលនិធិកូរ៉េសម្រាប់ការថែទាំសុខភាពអន្តរជាតិ (KOFIH)។ បាត់ដំបង៖  ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល រួមជាមួយ ឯកឧត្តម KIM Sungtai អគ្គកុងស៊ុលនៃសាធារណរដ្ឋកូរ៉េ ប្រចាំព្រះរាជាណាចក្រកម្ពុជានាព្រឹកថ្ងៃទី១០ ខែមិថុនា ឆ្នាំ២០២៦ បានអញ្ជើញ ក្នុងពិធីសម្ពោធដាក់ឱ្យប្រើប្រាស់ជាផ្លូវការ «អគារជំងឺមិនឆ្លង និងស្តារនីតិសម្បទា» នៃមន្ទីរពេទ្យបង្អែកខេត្តបាត់ដំបង ដែលជាជំនួយដ៏ថ្លៃថ្លារបស់សាធារណរដ្ឋកូរ៉េ តាមរយៈ មូលនិធិកូរ៉េសម្រាប់ការថែទាំសុខភាពអន្តរជាតិ (KOFIH)។ ជាកិច្ចចាប់ផ្តើម ឯកឧត្តមសាស្រ្តាចារ្យរដ្ឋមន្រ្តី មានក្តីសង្ឃឹមជាមុនថា «យើងទាំងអស់គ្នា សូមចូលរួមថែរក្សាសុខភាពឱ្យបានល្អប្រសើរ។ អាគារសម្ពោធបើកដំណើរថ្មីនេះ នឹងជាឱកាសថ្មីមួយបន្ថែមទៀត ក្នុងការបម្រើ និងជួយសង្រ្គោះអាយុជីវិតប្រជាពលរដ្ឋយើង ហើយដែលគ្រូពេទ្យ និងបុគ្គលិកសុខាភិបាលទាំងអស់ ជាកម្លាំងចលករ នៃការបំពេញបេសសកម្មដ៏ឧត្តុង្គឧត្តមនេះ។»។ អគារជំងឺមិនឆ្លង និងស្តារនីតិសម្បទានៃមន្ទីរពេទ្យបង្អែកខេត្តបាត់ដំបង ដែលជាជំនួយដ៏ថ្លៃថ្លា និងប្រកបដោយមនុស្សធម៌មិនអាចកាត់ថ្លៃបាន របស់មូលនិធិកូរ៉េសម្រាប់ការថែទាំសុខភាពអន្តរជាតិ (KOFIH) នៃសាធារណរដ្ឋកូរ៉េ។ អគារដែលនឹងដាក់ឱ្យដំណើរការនេះ មានតួនាទីលើកកម្ពស់គុណភាពសេវាសុខាភិបាល ជាពិសេសលើការថែទាំ និងព្យាបាលជំងឺមិនឆ្លង ដូចជាជំងឺទឹកនោមផ្អែម ជំងឺលើសសម្ពាធឈាម ជាដើម និងសេវាស្តារនីតិសម្បទាវេជ្ជសាស្ត្រដែលប៉ះពាល់មកពីជំងឺមិនឆ្លង និងជំងឺផ្សេងៗ។ អគារនេះ បានបំពាក់ឧបករណ៍សម្ភារៈបរិក្ខារពេទ្យទំនើបៗ មានវិសាលភាពធំទូលាយ និងមានសមត្ថភាពឆ្លើយតបកាន់តែល្អប្រសើរចំពោះតម្រូវការសេវាសុខាភិបាលរបស់ប្រជាពលរដ្ឋក្នុងខេ