奥斯曼哈桑于9月5日会见此前被误抓并羁押一年多的男子

លោកបណ្ឌិត អូស្មាន ហាស្សាន់ ជួបជាមួយលោក ស្លេះ ហ្វឺត ដែលគេកំពុងចែកចាយតាមបណ្តាញសង្គមករណីរូបគាត់ ពាក់ព័ន្ធចាប់ច្រឡំនៅខេត្តស្ទឹងត្រែង ដែលអនុវត្តដោយតុលាការ និងសមត្ថកិច្ចជំនាញមួយក្រុម រហូតដាក់គុកជាង ១ឆ្នាំ។ លោកបណ្ឌិត អូស្មាន ហាស្សាន់ ទេសរដ្ឋមន្ត្រីទទួលបន្ទុកបេសកកម្មពិសេស នៅព្រឹកថ្ងៃទី៥ ខែកញ្ញា ឆ្នាំ២០២៦ បានជួបលោក ស្លេះ ហ្វឺត មិនមែន «ស្លេះ វើត» នោះទេ ជាមួយលោក ណុះ សូឡេះ ដែលត្រូវជាប្អូនថ្លៃគាត់។ លោកបណ្ឌិត អូស្មាន ហាស្សាន់ បានថ្លែងថា «ខ្ញុំសប្បាយរីករាយ និងចូលរួមនូវក្ដីរីករាយជាមួយក្រុមគ្រួសារគាត់ ចំពោះការដោះលែងរូបលោកកាលពីថ្ងៃទី២៧ ខែសីហា ឆ្នាំ២០២៦ បន្ទាប់ពីបានជាប់ឃុំ ២ លើកអស់រយៈពេលមួយឆ្នាំបន្តិច»។ បើតាមលោកទេសរដ្ឋមន្រ្តី អូស្មាន ហាស្សាន់, លោក ស្លេះ ហ្វឺត បានដាក់ពាក្យបណ្តឹងទៅក្រសួងយុត្តិធម៌ ដើម្បីស្វែងរកភាពយុត្តិធម៌រួចហើយ។ លោកបានជម្រាបគាត់ថា «ពេលនេះក្រសួងយុត្តិធម៌ បាននិង កំពុងធ្វើការសិក្សា និងស៊ើបអង្កេតលើករណីនេះហើយដើម្បីរកយុត្តិធម៌ផ្ដល់ជូនលោកវិញ»។ ព័ត៌មានរហ័សថ្មីៗ HOTNEWS ទទួលព័ត៌មានពីប្រជាពលរដ្ឋគ្រប់មជ្ឈដ្ឋាន https://t.me/cambodianews12 https://t.me/Cambodainew123 https://www.facebook.com/share/19G4XsyY5o/ ទំនាក់ទំនងផ្សព្វផ្សាយពានិជ្ជកម្មផ្សេងៗ 0717095001 @NGINSOKHUN