马德望省桑克河水位暴涨 沿岸基础设施受损

ស្ថានភាពទឹកស្ទឹងសង្កែ ខេត្តបាត់ដំបង! យោងតាមការបង្ហោះព័ត៌មានរបស់ រដ្ឋបាលស្រុកឯកភ្នំ នៅថ្ងៃទី៣១ ខែសីហា ឆ្នាំ២០២៦ នេះបញ្ជាក់ថាទឹកស្ទឹងសង្កែបានហក់ឡើងយ៉ាងគំហុក ធ្វើឱ្យជន់លិចប៉ះពាល់ដល់ហេដ្ឋារចនាសម្ព័ន្ធ និងដំណាំរបស់បងប្អូនប្រជាពលរដ្ឋ ក្នុងភូមិសាស្ត្រស្រុកឯកភ្នំ ខេត្តបាត់ដំបង! នាព្រឹកថ្ងៃចន្ទ ៣រោច ខែស្រាពណ៍ ឆ្នាំមមី អដ្ឋស័ក ព.ស២៥៧០ ត្រូវនឹងថ្ងៃទី៣១ ខែសីហា ឆ្នាំ២០២៦ លោក ប៊ី សុភាព អភិបាលនៃគណៈអភិបាលស្រុកឯកភ្នំ បានដឹកនាំកម្លាំងគណៈបញ្ជាការឯកភាពរដ្ឋបាលស្រុក ចុះពិនិត្យស្ថានភាពទឹកជំនន់ស្ទឹងសង្កែដែលធ្វើឱ្យប៉ះពាល់ហេដ្ឋារចនាសម្ព័ន្ធផ្លូវថ្នល់ និងដំណាំរបស់បងប្អូនប្រជាពលរដ្ឋគិតត្រឹមម៉ោង ១១:០០នាទីព្រឹក ប៉ះពាល់ចំនួន ០៤ឃុំ ក្នុងភូមិសាស្រ្តស្រុកឯកភ្នំ ខេត្តបាត់ដំបង សរុបផលប៉ះពាល់រួមមាន៖ -លិចចូលខ្នងផ្ទះប្រជាពលរដ្ឋ សរុបចំនួន ១,៤៦៧ខ្នងផ្ទះ -ប៉ះពាល់ដំណាំស្រូវ សរុបចំនួន ១,១៤១ហិកតា, ដំណាំពោត ចំនួន ០២ហិកតា និងដំណាំរួមផ្សំមានចំនួន០១ហិកតា -ជន់លិចផ្លូវថ្នល់ សរុបចំនួន ៤៨ទីតាំង ស្មើនឹង២២,៦៣៥ម៉ែត្រក្នុងនោះ 👉ផ្លូវកៅស៊ូ=៣,២២០ម៉ែត្រ 👉ផ្លូវបេតុង=៦២០ម៉ែត្រ 👉ផ្លូវក្រាគ្រួសក្រហម=១៣,៥០០ម៉ែត្រ 👉ផ្លូវដី=៥,២៩០ម៉ែត្រ។ នៅក្នុងការជន់លិចខាងលើឃុំដែលរងផលប៉ះពាល់រួមមាន៖ ១/ឃុំព្រែកនរិន្ទ ស្ថានភាពទឹកជំនន់ស្ទឹងសង្កែ បានហូរចូលលិចខ្នងផ្ទះប្រជាពលរដ្ឋចំនួន ១,០១៦ខ្នងផ្ទះ ស្មើនឹង ១,២០១គ្រួសារ និងលិចហូរកាត់ប៉ះពាល់សរុបចំនួន៣៩ទីតាំង ស្មើនឹង ២១,១១៥ម៉ែត្រ និងប៉ះពាល់ដំណាំស្រូវ សរុបចំនួន ១,០២៨ហិកតា ,ពោត ចំនួន ០២ហិកតា និងដំណាំរួមផ្សំមានចំនួន ០១ហិកតា ។ 👉ផ្លូវកៅស៊ូ=២,៥០០ម៉ែត្រ 👉ផ្លូវបេតុង=៥៥០ម៉ែត្រ 👉ផ្លូវក្រាគ្រួសក្រហម=១៣,៣៥០ម៉ែត្រ 👉ផ្លូវដី=៤,៧១៥ម៉ែត្រ ២/ឃុំព្រែកហ្លួង ស្ថានភាពទឹកជំនន់ស្ទឹងសង្កែ បានហូរចូលលិចខ្នងផ្ទះប្រជាពលរដ្ឋចំនួន៣១៣ខ្នងផ្ទះ ស្មើនឹង៣៤៨គ្រួសារ និងលិចហូរកាត់ផ្លូវ និងប៉ះពាល់ដំណាំស្រូវ សរុបចំនួន ១៣៣ហិកតា 👉ផ្លូវកៅស៊ូ=៧២០ម៉ែត្រ 👉ផ្លូវបេតុង=៧០ម៉ែត្រ 👉ផ្លូវក្រាលគ្រួសក្រហម=១៥០ម៉ែត្រ ៣/ឃុំព្រែកខ្ពប ស្ថានភាពទឹកជំនន់ស្ទឹងសង្កែបានហូរចូលលិចខ្នងផ្ទះប្រជាពលរដ្ឋចំនួន៨៤ខ្នងផ្ទះ និងហូរកាត់ផ្លូវគ្រួសក្រហម ប្រវែង ៥៨០ម៉ែត្រ ។ ៤/ឃុំសំរោងក្នុង ៖ចំនួនផ្ទះប្រជាពលរដ្ឋរស់នៅតាមដងស្ទឹងសង្កែ បានរងប៉ះពាល់លិចខាងក្រោមផ្ទះ សរុប ៥៨ ខ្នងផ្ទះ និងសាលាបឋមសិក្សាវត្តកែវ ១ទីតាំង។ បច្ចុប្បន្នគិតត្រឹមម៉ោង ១១:០០នាទីព្រឹកនេះ ទឹកស្ទឹងសង្កែនៅចំណុចទំនប់សាលាតាអន បានហក់ឡើងដល់កម្ពស់ ១៣.០៥ម៉ែត្រ ជាកម្ពស់ត្រៀមប្រកាសអាសន្ន ដូច្នេះសូមបងប្អូនប្រជាពលរដ្ឋដែលរស់នៅតាមបណ្ដោយស្ទឹងសង្កែ មេត្តាបង្កើនការប្រុងប្រយ័ត្នឱ្យបានខ្ពស់ ជាពិសេសកុមារតូច។ លោកអភិបាលស្រុកក៏បានដាក់បទបញ្ជាដល់អាជ្ញាធរ និងកងកម្លាំងប្រដាប់អាវុធគ្រប់ប្រភេទត្រូវត្រៀមលក្ខណៈកម្លាំង និងមធ្យោបាយសង្គ្រោះ ដើម្បីចុះអន្តរាគមន៍ជួយសង្គ្រោះប្រជាពលរដ្ឋបានទាន់ពេលវេលា ក្នុងករណីមានគ្រោះអាសន្ន ឬស្ថានភាពទឹកជំនន់បន្តវិវត្តកាន់តែធ្ងន់ធ្ងរឡើងជាយថាហេតុ៕ #រដ្ឋបាលស្រុកឯកភ្នំ #ខេត្តបាត់ដំបង #អរគុណសន្តិភាពនិងការអភិវឌ្ឍន៍ #ខ្មែរជួយខ្មែរ #humor #fypchallenge #hightlight #follower