神舟23号航天员在轨开展多项科学实验 涵盖生命科学

ក្រុមអវកាសយានិកចិនទាំង ៣ រូប នៃបេសកកម្មយាន Shenzhou-23 បានអនុវត្តការពិសោធន៍វិទ្យាសាស្ត្រយ៉ាងទូលំទូលាយ បន្ទាប់ពីបានទៅដល់ស្ថានីយអវកាស Tiangong កាលពីថ្ងៃទី២៥ ខែឧសភា កន្លងទៅ។   យោងតាមប្រព័ន្ធផ្សព្វផ្សយរដ្ឋចិនCCTV+ ក្នុងរយៈពេល ៣ សប្តាហ៍ ក្រុមការងារបានធ្វើការពិសោធន៍លើវិស័យសំខាន់ៗជាច្រើន ដូចជា វិទ្យាសាស្ត្រជីវិត វេជ្ជសាស្ត្រអវកាស និងបច្ចេកវិទ្យាថ្មីៗ។ ក្នុងនោះ រួមមានការស្រាវជ្រាវពីរបៀបដែលលក្ខខណ្ឌទំនាញទាបប៉ះពាល់ដល់កោសិកាថ្លើម ដើម្បីស្វែងរកវិធីបង្ការជំងឺថ្លើមខ្លាញ់សម្រាប់អវកាសយានិកដែលត្រូវបំពេញបេសកកម្មរយៈពេលវែង។   ពួកគេក៏បានដំឡើងឧបករណ៍ពិសោធន៍នៅខាងក្រៅយាន ដោយដាក់គំរូអង់ស៊ីម បាក់តេរី និងគ្រាប់ពូជរុក្ខជាតិ ដើម្បីធ្វើតេស្តរងឥទ្ធិពលវិទ្យុសកម្មអវកាសរយៈពេល ៥ ខែ។   ក្រុមអវកាសយានិកក៏បានបញ្ចប់ការហ្វឹកហាត់សមយុទ្ធសង្គ្រោះបន្ទាន់ ក្នុងករណីស្ថានីយបាត់បង់សម្ពាធខ្យល់ ព្រមទាំងបានបំពេញការងារថែទាំ ជួសជុល និងសម្អាតបរិស្ថាននៅក្នុងស្ថានីយអវកាសជាប្រចាំ៕