菩萨省克罗戈县申请建设垃圾焚烧炉 解决露天焚烧隐患

អាជ្ញាធរស្រុកក្រគរ ខេត្តពោធិ៍សាត់ ចង់បានឡដុតសំរាម (ពោធិ៍សាត់)៖ អាជ្ញាធរក្នុងស្រុកក្រគរ ខេត្តពោធិ៍សាត់ បានដាក់វេនគ្នាចុះប្រមូលសំរាមតាមផ្លូវជាតិ​ចំ​ជា​ប្រចាំដើម្បីលើកកម្ពស់សោភ័ណភាពលើដងផ្លូវក្នុងភូមិសាស្ត្រខេត្តពោធិ៍សាត់។ មិនត្រឹមតែស្រុកក្រគរប៉ុណ្ណោះទេ ក្រុង និងស្រុកដទៃក្នុងខេត្តពោធិ៍សាត់ ដែលមានភូមិសាស្ត្រជាប់​ផ្លូវជាតិលេខ៥ ក៏បានអនុវត្តបែបនេះដែរ។ សកម្មភាពនេះហើយ បានធ្វើឱ្យអ្នកដំណើរតែង​លាន់​មាត់ថា កំណាត់ផ្លូវជាតិលេខ៥ ក្នុងភូមិសាស្ត្រ​ខេត្តពោធិ៍ស្អាត គ្មានសំរាម។ បើទោះបីយ៉ាងនេះ អ្វីដែលប្រឈមចំពោះអាជ្ញាធរ និងប្រជាពលរដ្ឋនាពេលបច្ចុប្បន្ន ទោះបីសំរាម​ត្រូវ​បានប្រមូលយ៉ាងណាក្តី តែពួកគាត់មិនមានកន្លែងទុកដាក់សំរាមឱ្យបានត្រឹមត្រូវ ហើយក៏គ្មា​ន​ឡ​សម្រាប់ដុតសំរាមនោះឡើយ។ អាស្រ័យហេតុនេះ ធ្វើឱ្យពួកគាត់បង្ខំចិត្តដុតសំរាមតាមទម្លាប់ បើ​ទោះ​បីដឹងថា ការដុតនោះនាំទុក្ខទោសដល់សុខភាពយ៉ាងណាក្តី។ ដើម្បីដោះស្រាយបញ្ហាប្រឈមនេះ អាជ្ញាធរក្នុងស្រុកក្រគរ បានស្នើសុំឱ្យមានការរៀបចំឡដុតសំរាមត្រឹមត្រូវតាមបទដ្ឋានបច្ចេកទេស ដើម្បីពួកគាត់បានដុតសំរាមទាំងនោះចោល៕