柬埔寨内政部部长苏速卡下令撤职并降级上丁省特拉彭克里国际口岸

លោកអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានចេញសេចក្តីសម្រេចដកតំណែង និងបន្ថយស័ក្តិមន្ត្រីនគរបាលប៉ុស្តិ៍ច្រកទ្វារព្រំដែនអន្តរជាតិត្រពាំងក្រៀលជាប់ព្រំដែនប្រទេសឡាវ ក្នុងខេត្តស្ទឹងត្រែង ចំនួន ៦រូប ដោយសារតែបានប្រព្រឹត្តល្មើសវិន័យនគរបាលជាតិ។ តាមសេចក្តីសម្រេច មន្ត្រីនគរបាលទាំង ៦រូប ដែលត្រូវបានចាត់វិធានការវិន័យនេះ រួមមាន៖ វរសេនីយ៍ឯក អ៊ូច មាន នាយប៉ុស្តិ៍, វរសេនីយ៍ឯក ទិត បូរិន នាយរងប៉ុស្តិ៍ និងអនុសេនីយ៍ទោ មាន វឌ្ឍនា មន្ត្រី ត្រូវបានដកចេញពីតំណែង។ ចំណែកឯ វរសេនីយ៍ទោ នូ លិតស៉ីផាន់ណា នាយរងប៉ុស្តិ៍ ត្រូវបានបន្ថយស័ក្តិមកនៅត្រឹមថ្នាក់វរសេនីយ៍ត្រី, អនុសេនីយ៍ឯក ម៉េត ស៉ីម៉ាក់ នាយផ្នែកត្រួតពិនិត្យចល័ត និងអនុសេនីយ៍ឯក ឈុន សេងហ៊ួ នាយផ្នែកបែបបទ ត្រូវបានបន្ថយស័ក្តិមកនៅត្រឹមថ្នាក់អនុសេនីយ៍ទោ។