柬埔寨航空高管出席迪拜全球未来领袖会议

**លោក ណម វិស្សុត បានចូលរួមកិច្ចប្រជុំប្រចាំឆ្នាំស្តីអំពីអនាគតអ្នកដឹកនាំ​ពិភពលោក​ឆ្នាំ២០២៦ នៃវេទិការសេដ្ឋកិច្ចពិភពលោក នៅទីក្រុងឌូបៃ** លោក ណម វិស្សុត ប្រធាននាយកប្រតិបត្តិក្រុមហ៊ុន អ៊ែរអេស៊ា ខេមបូឌា មានកិត្តិយសចូលរួមកម្មវិធីបើកកិច្ចប្រជុំប្រចាំឆ្នាំជាលើកដំបូងនៃ​អនាគតអ្នកដឹកនាំពិភពលោក (Inaugural Annual Meeting of Global Future Leaders) ដែលរៀបចំឡើងដោយ វេទិកាសេដ្ឋកិច្ចពិភពលោក (World Economic Forum) ក្រោមកិច្ចសហការជាមួយ រដ្ឋាភិបាលនៃសហព័ន្ធអេមីរ៉ាតអារ៉ាប់រួម នៅទីក្រុងឌូបៃ ចាប់ពីថ្ងៃទី ១៣–១៥ ខែតុលា ឆ្នាំ២០២៦។ កិច្ចប្រជុំនេះនឹងប្រមូលផ្តុំថ្នាក់ដឹកនាំពីសំណាក់រដ្ឋាភិបាល វិស័យធុរកិច្ច សង្គមស៊ីវិល និងអង្គការអន្តរជាតិជុំវិញពិភពលោក ដើម្បីផ្លាស់ប្តូរទស្សនៈទៅវិញទៅមក​ លើបច្ចេកវិទ្យាបញ្ញាសិប្បនិម្មិត (AI) នវានុវត្តន៍ បរិវត្តកម្មសេដ្ឋកិច្ច និងនិន្នាការសំខាន់ៗដែលកំពុងកំណត់ទិសដៅថ្ងៃអនាគតរបស់មនុស្សជាតិជារួ​ម។ ក្នុងនាមជាអ្នកដឹកនាំវ័យក្មេងពិភពលោក (Young Global Leader) ប្រចាំឆ្នាំ២០២៦ លោក ណម វិស្សុត សូមស្វាគមន៍ និងចូលរួមចែករំលែកអំពីទស្សនៈវិស័យ និងការបេ្តជ្ញាដ៏មុះមុតរបស់កម្ពុជា នៅក្នុងកិច្ចពិភាក្សាទាំងនេះ ព្រមទាំងនឹងទទួលនូវទស្សនៈថ្មីៗ ក៏ដូចជាការផ្លាស់ប្តូរនូវបទពិសោធន៍ពីតាមបណ្តាតំបន់ និងវិស័យនានា។ សូមស្វាគមន៍ចំពោះការផ្លាស់ប្តូរទស្សនៈដ៏មានអត្ថន័យក្នុងកិច្ចប្រជុំនៅទីក្រុងឌូបៃនេះ។ 🇰🇭🌍 ព័ត៌មានលម្អិត៖ wef.ch/amgfl26