卫生部国务秘书视察奥多棉芷省医院，检查基础设施建设及医疗服务

សកម្មភាពចុះអភិបាលគាំទ្រ និងពិនិត្យការផ្តល់សេវាសុខាភិបាល នៅមន្ទីរពេទ្យបង្អែកខេត្តឧត្តរមានជ័យ។ —— ខេត្តឧត្តរមានជ័យ៖ ថ្ងៃទី៣០ ខែកញ្ញា ឆ្នាំ២០២៦ ឯកឧត្តមវេជ្ជបណ្ឌិត សាន់ សាប់អី រដ្ឋលេខាធិការក្រសួងសុខាភិបាល និង ឯកឧត្តមវេជ្ជបណ្ឌិត ម៉ាន តើរ៉មីហ្សី អនុរដ្ឋលេខាធិការ បានអញ្ជើញចុះពិនិត្យ និងគាំទ្រការផ្តល់សេវាសុខាភិបាលនៅមន្ទីរពេទ្យបង្អែកខេត្តឧត្តរមានជ័យ។ ក្នុងដំណើរចុះពិនិត្យនេះ គណៈប្រតិភូបានពិនិត្យឃើញថាមន្ទីរពេទ្យមានការរីកចម្រើនគួរឱ្យកត់សម្គាល់ ទាំងលើការកែលម្អហេដ្ឋារចនាសម្ព័ន្ធ សោភ័ណភាព និងគុណភាពសេវា ដែលទទួលបានការគាំទ្រ និងមកទទួលសេវាយ៉ាងច្រើនពីប្រជាពលរដ្ឋ ជាពិសេសបានពិនិត្យផ្តោតទៅលើចំណុចសំខាន់ៗរួមមាន៖  -ពន្លឿនការផ្តល់សេវាថែទាំ និងការព្យាបាលឱ្យកាន់តែឆាប់រហ័ស ប្រកបដោយគុណភាពខ្ពស់  -ពង្រឹងក្រមសីលធម៌វិជ្ជាជីវៈ បដិសណ្ឋារកិច្ចល្អ រួសរាយរាក់ទាក់ និងផ្តល់ភាពកក់ក្តៅជូនអ្នកជំងឺ -យកចិត្តទុកដាក់ម៉ឺងម៉ាត់លើអនាម័យ និងការបង្ការទប់ស្កាត់ការឆ្លងរោគ ជាពិសេសផ្នែកសង្គ្រោះបន្ទាន់ បន្ទប់វះកាត់ និងពង្រឹងប្រព័ន្ឋបញ្ជូនអ្នកជំងឺ។ ឆ្លៀតក្នុងឱកាសនោះ ឯកឧត្តម ក៏បានពាំនាំនូវការសួរសុខទុក្ខ និងការកោតសរសើរពីសំណាក់ ឯកឧត្តមសាស្ត្រាចារ្យរដ្ឋមន្ត្រី ជូនដល់ថ្នាក់ដឹកនាំ និងបុគ្គលិកសុខាភិបាលទាំងអស់ ដែលបានលះបង់កម្លាំងកាយចិត្តបម្រើសុខុមាលភាពប្រជាពលរដ្ឋយ៉ាងល្អប្រសើរ។ **🌐** [Website](https://moh.gov.kh/kh/home) 📱 [Facebook](https://www.facebook.com/MinistryofHealthofCambodia?mibextid=ZbWKwL) 📱 [Telegram](https://t.me/MOHCambodia) 📱 [X (twitter)](https://x.com/MohCambodia) 📱 [Tiktok](https://www.tiktok.com/@mohcambodia) 📱 [YouTube](https://www.youtube.com/@MOHCambodia)