实居省波塞县基层党建会议召开 部署6月工作重点

នៅព្រឹកថ្ងៃទី១៧ ខែឧសភា ឆ្នាំ២០២៦ នៅទីស្នាក់ការគណបក្សប្រជាជនកម្ពុជាឃុំពោធិអង្គ្រង ស្រុកបសេដ្ឋ ខេត្តកំពង់ស្ពឺ ឯកឧត្តម​ ប្រាក់ សុណ្ណារ៉ា ប្រធានក្រុមការងារចុះមូលដ្ឋានឃុំពោធិអង្រ្គង បានដឹកនាំប្រជុំបូកសរុបលទ្ធផលការងារខែឧសភា​ និងទិសដៅការងារបន្តសម្រាប់ខែមិថុនា ឆ្នាំ២០២៦។ នៅក្នុងកិច្ចប្រជុំនេះ ឯកឧត្តមប្រធានបានស្នើដល់សមាជិកអង្គប្រជុំ​ ពិនិត្យបន្ថែមលើវឌ្ឍនភាពការងារសំខាន់ៗ ដូចជា៖​ សេវាសាធារណ​: សេវាសំណូមពរ​ ភូមិឃុំមានសុវត្តិភាព អត្តសញ្ញាណប័ណ្ណ​ អត្តសញ្ញាណ​កម្ម​ ក្តាប់​សមាជិក​បក្សនៅក្នុងភូមិឱ្យបានច្បាស់លាស់​ ការងារ​ពង្រីក​សមាជិកបក្ស​ឱ្យ​បា​ន​ ៨៥%​ ការងារនយោបាយសតិអារម្មណ៍​ កត្តាសាមគ្គីភាពផ្ទៃក្នុង​ និងការងារចិញ្ចឹមចលនា។ ក្នុងកិច្ចប្រជុំនេះមានសមាសភាពចូលរួមក្រុមក្រុមការងារថ្នាក់កណ្ដាល ក្រុមការងារថ្នាក់ឃុំ ប្រធានគណៈកម្មាធិការសាខាបក្សភូមិ និងអនុប្រធានសាខាគណៈកម្មាធិការសាខាបក្សភូមិ ទាំង19 ភូមិនិងសាខាចំណុះក្នុងឃុំ សរុបចំនួន ៦៤នាក់ ស្រី១៣នាក់។