柬埔寨举办2026年世界认可日活动 聚焦创新与可持续发展

ទិវាវាយតម្លៃទទួលស្គាល់ពិភពលោកប្រចាំឆ្នាំ២០២៦ «ក្រោមប្រធានបទ នវានុវត្តន៍ ទំនុកចិត្ត និងនិរន្តរភាព: អានុភាពនៃការវាយតម្លៃទទួលស្គាល់» — រាជធានីភ្នំពេញ៖ រសៀលថ្ងៃសុក្រ ទី៣១ ខែកក្កដាឆ្នាំ២០២៦ ឯកឧត្ដមវេជ្ជបណ្ឌិត ស៊ិក ប៊ុណ្ណា រដ្ឋលេខាធិការក្រសួងសុខាភិបាល និងជាអនុប្រធានក្រុមប្រឹក្សាជាតិវាយតម្លៃទទួលស្គាល់ នៃកម្ពុជា បានអញ្ជើញទៅចូលរួម ទិវាវាយតម្លៃទទួលស្គាល់ពិភពលោកប្រចាំឆ្នាំ២០២៦ ក្រោមប្រធានបទ «នវានុវត្តន៍ ទំនុកចិត្ត និងនិរន្តរភាព: អានុភាពនៃការវាយតម្លៃទទួលស្គាល់» ក្រោមអធិបតីភាព ឯកឧត្ដម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុរត្ត និងជាប្រធានក្រុមប្រឹក្សាជាតិវាយតម្លៃទទួលស្គាល់នៃកម្ពុជា។ អត្ថន័យនៃទិវានេះ គឺដើម្បីលើកកម្ពស់ការយល់ដឹងពីតួនាទី នៃការវាយតម្លៃទទួលស្គាល់ និងការវាយតម្លៃអនុលោមភាព ក្នុងការជំរុញនវានុវត្តន៍ ពង្រឹងទំនុកចិត្តទីផ្សារ និងគាំទ្រការអភិវឌ្ឍប្រកបដោយចីរភាព។ ពិធីនេះមានការចូលរួមពីអនុប្រធាន សមាជិកក្រុមប្រឹក្សាជាតិវាយតម្លៃទទួលស្គាល់នៃកម្ពុជា ថ្នាក់ដឹកនាំមន្ត្រីក្រសួងឧស្សាហកម្ម និងវិស័យឯកជនផងដែរ។ **🌐** [Website](https://moh.gov.kh/kh/home) 📱 [Facebook](https://www.facebook.com/MinistryofHealthofCambodia?mibextid=ZbWKwL) 📱 [Telegram](https://t.me/MOHCambodia) 📱 [X (twitter)](https://x.com/MohCambodia) 📱 [Tiktok](https://www.tiktok.com/@mohcambodia) 📱 [YouTube](https://www.youtube.com/@MOHCambodia)