洪玛奈出席桔井省98公里道路启用仪式 提升区域交通

សម្តេចមហាបវរធិបតី ហ៊ុន ម៉ាណែត អញ្ជើញជាអធិបតីសម្ពោធដាក់ឱ្យប្រើប្រាស់ជាផ្លូវការ កំណាត់ផ្លូវជាតិលេខ៧៣ និងផ្លូវខេត្តលេខ៣៧៧ ប្រវែងសរុប ៩៨,៤០៥ គីឡូម៉ែត្រ នៅខេត្តក្រចេះ... នាព្រឹកថ្ងៃអង្គារ ទី២៥ ខែសីហា ឆ្នាំ២០២៦ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជាអធិបតីក្នុងពិធី សម្ពោធបើកឱ្យប្រើប្រាស់ជាផ្លូវការ កំណាត់ផ្លូវជាតិលេខ៧៣ កំណាត់ផ្លូវខេត្តលេខ៣៧៧ និងផ្លូវខេត្តលេខ៣៧៧ ដែលមានប្រវែងសរុប ៩៨,៤០៥ គីឡូម៉ែត្រ ស្ថិតក្នុងខេត្តក្រចេះ។ ពិធីនេះត្រូវបានរៀបចំឡើងក្នុងបរិយាកាសអធិកអធម ដោយមានការចូលរួមពីថ្នាក់ដឹកនាំរាជរដ្ឋាភិបាល មន្ត្រីរាជការ អាជ្ញាធរមូលដ្ឋាន ព្រមទាំងប្រជាពលរដ្ឋជាច្រើនរូប។ ការសម្ពោធដាក់ឱ្យប្រើប្រាស់ផ្លូវជាផ្លូវការនេះ គឺជាសមិទ្ធផលថ្មីមួយទៀតក្នុងការអភិវឌ្ឍហេដ្ឋារចនាសម្ព័ន្ធផ្លូវថ្នល់របស់កម្ពុជា ដែលនឹងរួមចំណែកសម្រួលដល់ការធ្វើដំណើរ ការដឹកជញ្ជូនទំនិញ និងជំរុញសកម្មភាពសេដ្ឋកិច្ច សង្គម និងការតភ្ជាប់តំបន់នានានៅក្នុងខេត្តក្រចេះឱ្យកាន់តែប្រសើរឡើង។ សមិទ្ធផលផ្លូវថ្នល់នេះ ក៏ជាការឆ្លុះបញ្ចាំងពីការយកចិត្តទុកដាក់របស់រាជរដ្ឋាភិបាលក្នុងការបន្តពង្រីក និងលើកកម្ពស់ហេដ្ឋារចនាសម្ព័ន្ធ ដើម្បីបម្រើផលប្រយោជន៍ប្រជាពលរដ្ឋ និងការអភិវឌ្ឍប្រទេសជាតិប្រកបដោយចីរភាព៕ (អត្ថបទដោយប៊ុនធឿនហៅខ្លាពីរ)