贡布省警察局长警告 违法者必须接受法律制裁

«ប្រទេសមានច្បាប់ អ្នកខុសទុកឱ្យច្បាប់ជាអ្នកអប់រំ មិនមែនចង់ធ្វើអ្វីស្រេចតែទំនើងចិត្តនោះទេ!» ឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការនគរបាលខេត្តកំពត បានមានប្រសាសន៍យ៉ាងម៉ឺងម៉ាត់ថា ប្រទេសមានច្បាប់ ដូច្នេះប្រសិនបើបុគ្គលណាប្រព្រឹត្តខុស ត្រូវទុកឱ្យច្បាប់ជាអ្នកអប់រំ និងចាត់ការតាមនីតិវិធី មិនមែនចង់ធ្វើអ្វីតាមតែទំនើងចិត្តនោះឡើយ។ លោកស្នងការបានលើកឡើងថា ប្រហែលជាបុគ្គលពាក់ព័ន្ធមួយចំនួនមិនសូវបានតាមដានព័ត៌មានសង្គម និងការអនុវត្តច្បាប់នាពេលបច្ចុប្បន្ន ទើបអាចមានភាពក្លាហានក្នុងការប្រព្រឹត្តសកម្មភាពដែលអាចប៉ះពាល់ដល់សណ្តាប់ធ្នាប់ និងសិទ្ធិរបស់អ្នកដទៃ។ ជាមួយគ្នានេះ ឯកឧត្តម ជួន ណារិន្ទ ស្នងការនគរបាលរាជធានីភ្នំពេញ ក៏បានបញ្ជាក់ថា លោកបានពិនិត្យករណីនេះរួចហើយ និងបានបញ្ជាទៅលោកអធិការនគរបាលខណ្ឌបឹងកេងកង និងលោកស្នងការរង ប៊ុន សត្យា ឱ្យចុះស្រាវជ្រាវករណីនេះជាបន្ទាន់ ដើម្បីស្វែងរកការពិត និងចាត់វិធានការតាមនីតិវិធីច្បាប់ ប្រសិនបើរកឃើញថាមានការប្រព្រឹត្តខុស។ សារដ៏សំខាន់គឺ៖ ច្បាប់នៅតែជាច្បាប់ ហើយអ្នកដែលប្រព្រឹត្តខុស ត្រូវទទួលខុសត្រូវចំពោះមុខច្បាប់ ដោយមិនអាចយកភាពក្លាហាន ឬទំនើងចិត្តមកជំនួសច្បាប់បានឡើយ៕ (ពីខ្ញុំប៊ុនធឿនហៅខ្លាពីរ)