柬埔寨教育部推行电子证书 41万毕业生告别纸质公证

សិស្សជាប់«បាក់ឌុប»ជាង៤០ម៉ឺននាក់ហើយ ដែលក្រសួងអប់រំផ្តល់វិញ្ញាបនបត្រ Standard QR Code ភ្នំពេញ៖ សិស្សដែលប្រឡងជាប់សញ្ញាបត្រមធ្យមសិក្សាទុតិយភូមិ (បាក់ឌុប)សរុប  ៤១៨ ០០០ នាក់ ( ចាប់ពីសម័យប្រឡងឆ្នាំ២០២២ រហូតដល់ឆ្នាំ២០២៥) ត្រូវបានក្រសួងអប់រំ យុវជន និងកីឡា ផ្តល់វិញ្ញាបនបត្រមាន Standard QR Code ប្រកបដោយសុវត្ថិភាព និងភាពត្រឹមត្រូវខ្ពស់បំផុត តាមរយៈថ្នាលផ្ទៀងផ្ទាត់ឯកសារ verify.gov.kh ។ បើតាមលោកស្រី គឹម សេដ្ឋានី រដ្ឋលេខាធិការប្រចាំការ នៃក្រសួងអប់រំ យុវជន និងកីឡា ថ្នាលដែលអភិវឌ្ឍន៍ដោយក្រសួងក្រសួងប្រៃសណីយ៍ និងទូរគមនាគមន៍នេះ បានបំបែកគំរូការងារបែបប្រពៃណី ដោយផ្តល់នូវអត្ថប្រយោជន៍ជាយុទ្ធសាស្ត្រយ៉ាងធំធេង មិនតម្រូវធ្វើនីត្យានុកូលកម្ម (ការបញ្ជាក់សញ្ញាបត្រ) ដែលកន្លងមក សិស្សានុសិស្ស និងអាណាព្យាបាលត្រូវចំណាយពេល ថវិកា និងកម្លាំងកាយក្នុងការបញ្ជាក់សញ្ញាបត្រនៅលើក្រដាស។