安达集团赞助慈善跑活动 助力儿童未来发展

ក្រុមហ៊ុន វឌ្ឍនៈ បានចូលរួមឩបត្ថម្ភ កម្មវិធីរត់សប្បុរសធម៌ក្រោមប្រធានបទ «ដើម្បីកុមារ ដើម្បីអនាគតយើង» ភ្នំពេញ៖ ពលរដ្ឋប្រមាណ១៧០០នាក់ បានចូលរួមរត់កម្សាន្តក្នុងកម្មវិធីរត់សប្បុរសធម៌ «ដើម្បីកុមារ ដើម្បីអនាគតយើង» រៀបចំឡើងដោយក្រសួងព័ត៌មាន នៅបរិវេណបុរី ប៉េង ហួត បឹងស្នោរ នាព្រឹកថ្ងៃទី៣០ ខែឧសភា។ កម្មវិធីរត់ដើម្បីសប្បុរសធម៌នេះ មានការចូលរួមផ្ទាល់ដោយ លោក នេត្រ ភក្ត្រា រដ្ឋមន្ត្រីក្រសួងព័ត៌មាន។ ក្រុមហ៊ុន វឌ្ឍនៈ បានចូលរួមឩបត្ថម្ភ ទឹកពិសា ភេសជ្ជៈកីឡា V-active និងភេសជ្ជៈផ្សេងទៀត ជូនដល់ចូលរួមរត់ដោយឥតគិតថ្លៃ។ នេះមិនមែនជាលើកទី១ទេ ក្រុមហ៊ុន វឌ្ឍនៈ តែងតែចូលរួមកម្មវិធីសប្បុរសធម៌ និងកម្មវិធីកីឡាផ្សេងៗយ៉ាងសកម្មផងដែរ។ ការរត់មិនត្រឹមតែល្អសម្រាប់សុខភាព តែការត់ក៏បានក្លាយជាវេទិការសប្បុរសធម៌ដ៏មានន័យ ដែលរួមចំណែកជួយដល់សង្គម ព្រមទាំងនាំមកនូវស្នាមញញឹម និងការផ្លាស់ប្តូរវិជ្ជមានសម្រាប់អនាគតរបស់កុមារៗ ដែលកំពុងត្រូវការជំនួយ។ ក្រុមហ៊ុន វឌ្ឍនៈ តែងតែនៅជាមួយអ្នកជានិច្ច។