新聘教师报到流程说明 需前往指定教育机构注册

បេក្ខជនជាប់បម្រុងទាំងអស់ ដែលបានចូលរួមជ្រើសរើសកន្លែងការងារកាលពីថ្ងៃទី៥-៧ ខែតុលា ឆ្នាំ២០២៦ នៅមណ្ឌលសាលាភូមិន្ទរដ្ឋបាល ត្រូវបានទទួលស្គាល់កន្លែងការងារ ជាគ្រូបង្រៀនផ្នែកលើកិច្ចព្រមព្រៀងការងារ ឆ្នាំសិក្សា២០២៦-២០២៧ ។ 👉 បេក្ខជនបំពេញគ្រប់លក្ខខណ្ឌ នៃការបណ្តុះបណ្តាលគរុកោសល្យ (អាទិភាពទី១) មានចំនួន ៣១៥នាក់ (ស្រី ២២៦នាក់) ត្រូវទៅបំពេញការងារនៅតាមក្រុង ស្រុកចំនួន៧៧ នៃខេត្តចំនួន១៤។ 👉បេក្ខជនមិនបានបំពេញគ្រប់លក្ខខណ្ឌ នៃការបណ្តុះបណ្តាលគរុកោសល្យ (អាទិភាពទី២) មានចំនួន ៩៥នាក់ (ស្រី ៦២នាក់) ត្រូវទៅបំពេញការងារនៅតាមរដ្ឋបាលក្រុង ស្រុកចំនួន៤១ នៃខេត្តចំនួន១៤។ បេក្ខជនត្រូវទៅបង្ហាញខ្លួន និងចុះឈ្មោះចូលរៀន នៅគ្រឹះស្ថានអប់រំបណ្តុះបណ្តាលគ្រូ យ៉ាងយូរត្រឹមថ្ងៃទី២០ ខែតុលា ឆ្នាំ២០២៦។ ✅ សម្រាប់បេក្ខជនទាំងអស់ (ទាំងពីរក្រុម) ត្រូវទៅបង្ហាញខ្លួននៅសាលារៀនគោលដៅឱ្យបានមុន ១ (មួយ) សប្តាហ៍ មុនពេលបើកបវេសនកាល ថ្ងៃទី១ ខែវិច្ឆិកា ឆ្នាំ២០២៦ សម្រាប់ឆ្នាំសិក្សា ២០២៦-២០២៧។ ❌ ក្នុងករណីបេក្ខជន មិនទៅបង្ហាញខ្លួន នៅគ្រឹះស្ថានបណ្តុះបណ្តាលគ្រូ ឬនៅសាលារៀនគោលដៅ ទៅតាមកាលបរិច្ឆេទកំណត់ នឹងត្រូវចាត់ទុកថា សាមីខ្លួនបោះបង់ការងារជាគ្រូបង្រៀនផ្នែកលើកិច្ចព្រមព្រៀងការងារជាស្វ័យប្រវត្តិ។ សូមបញ្ជាក់៖ បេក្ខជនទាំងអស់ អាចពិនិត្យមើលបញ្ជីរាយនាម និងសាលារៀនគោលដៅលម្អិត នៅក្នុងឧបសម្ព័ន្ធ ដែលគណៈកម្មការ បានផ្ញើជូនក្នុងប្រព័ន្ធតេឡេក្រាមនៃក្រុមនីមួយៗ។