上丁省青年社区公益项目进展顺利

មិនមែនធ្វើសម្រាប់តែខ្លួនឯងទេ ប៉ុន្តែគិតគូរ និងធ្វើទុកសម្រាប់អ្នកជំនាន់ក្រោយផងដែរ 💙 នាព្រឹកថ្ងៃទី២៩ ខែសីហា ឆ្នាំ២០២៦ លោកជំទាវ ស្រូយ សុជាតិ ប្រធានក្រុមការងារប្រតិបត្តិ ព្រមទាំងក្រុមការងារ នៃកម្មវិធី “មនសិការពលរដ្ឋល្អ” បានអញ្ជើញចុះពិនិត្យវឌ្ឍនភាព និងស្តាប់បទបង្ហាញគម្រោង «កម្ពុជាក្នុងបេះដូងខ្ញុំ» របស់សមាជិកក្លឹបមនសិការពលរដ្ឋល្អ នៃខេត្តស្ទឹងត្រែង។ ប្អូនៗបានបង្កើតគម្រោងជាច្រើនដែលឆ្លើយតបទៅនឹងតម្រូវការជាក់ស្តែងនៅក្នុងសាលារៀន និងសហគមន៍ ដូចជា ការបង្កើតបន្ទប់កំព្យូទ័រ កន្លែងដាក់សម្រាម ការធ្វើសាប៊ូលាងដៃ រទេះអំណាន និងគម្រោងផ្សេងៗទៀត។ មិនត្រឹមតែអនុវត្តគម្រោងបានទេ ប្អូនៗក៏អាចរៀបចំគំនិត និងធ្វើបទបង្ហាញពីស្នាដៃរបស់ខ្លួនបានយ៉ាងមានទំនុកចិត្ត ដោយចែករំលែកពីមូលហេតុនៃការជ្រើសរើសគម្រោង ដំណើរការអនុវត្ត បញ្ហាប្រឈម និងអ្វីដែលពួកគេបានរៀនពីបទពិសោធន៍ជាក់ស្តែង។ តាមរយៈគម្រោងនេះ ប្អូនៗមិនត្រឹមតែរៀនពីរបៀបគិត និងធ្វើប៉ុណ្ណោះទេ ប៉ុន្តែក៏រៀនគិតគូរពីអ្នកដទៃ ពីបរិស្ថានជុំវិញខ្លួន និងរៀនប្រាប់ពីគំនិតរបស់ខ្លួនឱ្យអ្នកដទៃយល់បានយ៉ាងមានទំនុកចិត្តផងដែរ។ 🌱✨ #កម្ពុជាក្នុងបេះដូងខ្ញុំ #មនសិការពលរដ្ឋល្អ ខេត្តស្ទឹងត្រែង