10号国道全线贯通 串联马德望与国公省 打造新经济走廊

ផ្លូវជាតិលេខ១០ ជាច្រករបៀងជំរុញសេដ្ឋកិច្ច ដោយបានបង្ខិតខេត្តភាគពាយ័ព្យ ជាមួយនឹងខេត្តភាគនិរតី ឱ្យកាន់តែជិតគ្នា។ ផ្លូវជាតិលេខ១០ គឺជាហេដ្ឋា​រចនាសម្ព័ន្ធ​តភ្ជាប់​ពីស្រុក​សំឡូត ខេត្តបាត់ដំបង ឆ្លងកាត់ខេត្តពោធិ៍សាត់ ក្នុងភូមិសាស្ត្រឃុំប្រមោយ និងឃុំអូរ​សោម ស្រុកវាលវែង នៃភាគពាយ័ព្យ រហូតដល់ក្រុងខេមរភូមិន្ទ ខេត្តកោះ​កុង នៃភាគនិរតី ដែលមានប្រវែងជាង ១៩៧គីឡូម៉ែត្រ។ ផ្លូវជាតិនេះ​ បានក្លាយជាចរន្តបម្រេីដល់សេដ្ឋកិច្ចដ៏សំខាន់សម្រាប់ខេត្តតាមដងផ្លូវ ពិសេស វិស័យដឹកជញ្ជូន និងទេសចរណ៍ ដែលកំពុងរីកលូតលាស់ ព្រមទាំងទទួលបានការពេញចិត្តពីសំណាក់អ្នកទេសចរជិតឆ្ងាយ។ ផ្លូវនេះ នឹងដើរតួជាច្រករបៀងសេដ្ឋកិច្ចថ្មីមួយផងដែរ ក្នុងការបង្កើតសៀគ្វីទេសចរណ៍តភ្ជាប់ពីតំបន់បៃតងនៃជួរភ្នំក្រវាញ ជាមួយនឹងតំបន់ឆ្នេរ សមុទ្រកម្ពុជា។ ព្រមជាមួយគ្នានេះ​ ស្ពានដែលមានកម្ពស់ខ្ពស់ជាងគេ​នៅកម្ពុជា ក៏បានតភ្ជាប់កំពូលភ្នំពីម្ខាងទៅម្ខាង​ ឆ្លងកាត់ស្ទឹង បង្កេីតបានជាផ្ទាំងទស្សនីយភាពធម្មជាតិដ៏ទាក់ទាញ និងផ្តល់ភាពងាយស្រួលក្នុងការដំណើរផងដែរ។ #ហ៊ុនម៉ាណែត #Hunmanet #កម្ពុជា #cambodia #សន្តិភាពនៅកម្ពុជា #Peaceincambodia@NoKorDragonNews