柬埔寨商业注册系统升级 强制使用CamDigiKey登录

📣📣 សេចក្តីជូនដំណឹង**ស្តីពីការផ្លាស់ប្តូររបៀបចូលប្រើប្រាស់ប្រព័ន្ធចុះបញ្ជីពាណិជ្ជកម្ម និង នីតិវិធីស្នើសុំទាមទារកម្មសិទ្ធិគណនី**។ សូមជូនដំណឹងដល់សាធារណជន និង អ្នកប្រើប្រាស់ប្រព័ន្ធចុះបញ្ជីពាណិជ្ជកម្ម (businessregistration.moc.gov.kh) ទាំងអស់មេត្តាជ្រាបថា ប្រព័ន្ធចុះបញ្ជីពាណិជ្ជកម្មបានផ្លាស់ប្តូររបៀបចូលប្រើប្រាស់ពីការប្រើប្រាស់ "**ឈ្មោះអ្នកប្រើប្រាស់ និង ពាក្យសម្ងាត់**" ទៅជាការប្រើប្រាស់ "**គណនី CamDigiKey**"។ ដើម្បីគ្រប់គ្រងព័ត៌មានក្រុមហ៊ុនដែលបានចុះបញ្ជីរួច ក្រោមគណនី CamDigiKey, លោក លោកស្រីត្រូវធ្វើការស្នើសុំ **ទាមទារកម្មសិទ្ធិគណនី** តាមនីតិវិធីដែលបានកំណត់នៅលើប្រព័ន្ធ ដូចមានបង្ហាញជាជំហ៊ានក្នុងរូបខាងក្រោម។ ក្នុងករណីលោក លោកស្រីមានព័ត៌មានក្រុមហ៊ុនដទៃទៀត ក្រោមគណនី "**ឈ្មោះអ្នកប្រើប្រាស់ និង ពាក្យសម្ងាត់" **ផ្សេងទៀត ហើយមានបំណងគ្រប់គ្រងព័ត៌មានក្រុមហ៊ុនទាំងនោះក្រោមគណនី CamDigiKey របស់លោក លោកស្រីតែមួយ, លោក លោកស្រី អាចធ្វើការស្នើសុំទាមទារកម្មសិទ្ធិគណនីបានច្រើនលើក អាស្រ័យទៅតាមចំនួនគណនី "**ឈ្មោះអ្នកប្រើប្រាស់ និង ពាក្យសម្ងាត់" **ដែលលោក លោកស្រីគ្រប់គ្រង។ នីតិវិធីនេះត្រូវបានប្រើប្រាស់ចំពោះព័ត៌មាន**ក្រុមហ៊ុនដែលបានដាក់ស្នើមុនថ្ងៃទី ៣១ ខែកក្កដា ឆ្នាំ ២០២៦** ។ ដោយឡែក **ក្រុមហ៊ុនដែលបានដាក់ស្នើចាប់ពីថ្ងៃទី ៣១ ខែកក្កដា ឆ្នាំ ២០២៦ **នឹងត្រូវបានភ្ជាប់ទៅនឹងគណនី CamDigiKey របស់លោកអ្នកដោយស្វ័យប្រវត្តិ នាពេលដ៏ខ្លីខាងមុខ តាមរយៈការជូនដំណឹងផ្សេងទៀត។ អាស្រ័យហេតុនេះ សូមសាធារណជន និងអ្នកប្រើប្រាស់ទាំងអស់មេត្តាជ្រាប និងអនុវត្តតាមនីតិវិធីខាងក្រោម។ ក្រុមការងារសូមអភ័យទោសចំពោះភាពរអាក់រអួលដែលអាចកើតមានក្នុងអន្តរកាលនេះ និងសូមអរគុណចំពោះការយោគយល់ និងកិច្ចសហការរបស់លោកអ្នក។ **សូមអរគុណ។** ☎️ Hotline: 081 888 296 [📲 Facebook](https://www.facebook.com/Online.Business.Registration) | [YouTube](https://www.youtube.com/channel/UCcnSSPWJOTrsAiRm7jCmnDw) | [Website](https://registrationservices.gov.kh/) 📧 Email: [email protected] #Onlinebusinessregistrationservice #eServicesforBusiness #Government #CamDX #CamDigiKey #ESB #TSC #MEF