2026年国家就业与生产力展9月12日开幕 提供4万个岗位

📣 មកដល់ហើយ! មហាព្រឹត្តិការណ៍ការងារដ៏ធំជាងគេប្រចាំឆ្នាំ! ដែលនឹងនាំឱកាសការងារ ប្រមាណ ៤មុឺនកន្លែង នៅក្នុងពិព័រណ៍ការងារ និងផលិតភាពជាតិឆ្នាំ២០២៦។ 👉 ទីភ្នាក់ងារជាតិមុខរបរ និងការងារ(NEA) នៃក្រសួងការងារនិងបណ្តុះបណ្តាលវិជ្ជាជីវៈ សហការជាមួយ សហភាពសហព័ន្ធយុវជនកម្ពុជារាជធានីភ្នំពេញ(UYFC) និងសមាគមវាយនភណ្ឌ សម្លៀកបំពាក់ ស្បែកជើង និផលិតផលធ្វើដំណើរនៅកម្ពុជា(TAFTAC) នឹងរៀបចំពិព័រណ៍ការងារ និងផលិតភាពជាតិឆ្នាំ២០២៦ ដើម្បីផ្តល់លទ្ធភាពជូននិយោជក អ្នកស្វែងរកការងារធ្វើ និងអ្នកផ្តល់ការអប់រំបណ្តុះបណ្តាលបានជួបគ្នានៅមួយកន្លែងដោយងាយស្រួល ហើយក៏រំពឹងថានឹងមានក្រសួង ស្ថាប័ន គ្រឹស្ថាន ដៃគូរ ក្រុមហ៊ុន រោងចក្រ សហគ្រាសចូលរួមតាំងបង្ហាញ ចំនួន១៥០ និងអ្នកចូលរួមទស្សនាប្រមាណជិត ៤មុឺននាក់ ព្រមទាំងផ្តល់ឱកាសការងារប្រមាណ ៤មុឺនកន្លែងផងដែរ។ ពិព័រណ៍ការងារនេះនឹងប្រព្រឹត្តទៅថ្ងៃទី ១២-១៣ ខែកញ្ញា ឆ្នាំ២០២៦ ខាងមុខនេះ នៅមជ្ឈមណ្ឌលសន្និបាត និងពិព័រណ៍កោះពេជ្រ។    👉 ដូចនេះ ក្រុមហ៊ុន គ្រឹះស្ថាន រោងចក្រ សហគ្រាសដែលមានចំណាប់អារម្មណ៍ចូលរួមតាំងបង្ហាញ សូមទាក់ទងមក NEA តាមរយៈលេខ ០១៧ ៨៧១ ៨០៧/ 0១៦ ៤៣៨ ៨៤៣ និងតេលេក្រាម ០១៦ ៧៨៦ ៦៥៥ ឬ គេហទំព័រ www.nea.gov.kh និងទំព័រ Facebook (neakhmer)៕