柬埔寨道路法修订草案完成跨部门审查 即将提交内阁审议

ឯកឧត្តម កេង សុម៉ារិទ្ធ រដ្ឋលេខាធិការក្រសួងយុត្តិធម៌ អញើញចូលរួមក្នុងកិច្ចប្រជុំចុងក្រោយ ដើម្បីពិនិត្យនិងពិភាក្សាលើសេចក្តីព្រាងច្បាប់ស្តីពីវិសោធនកម្មច្បាប់ស្តីពីផ្លូវថ្នល់ ==================== រាជធានីភ្នំពេញ៖ នាព្រឹកថ្ងៃទី៤ ខែឧសភា ឆ្នាំ២០២៦ ដោយទទួលបានការចាត់តាំងដ៏ខ្ពង់ខ្ពស់ពី ឯកឧត្តមឧបនាយករដ្ឋមន្រ្តី រដ្ឋមន្រ្តីក្រសួងយុត្តិធម៌, ឯកឧត្តម កេង សុម៉ារិទ្ធ រដ្ឋលេខាធិការក្រសួងយុត្តិធម៌ បានអញ្ជើញចូលរួមក្នុងកិច្ចប្រជុំអន្តរក្រសួងចុងក្រោយ ដើម្បីពិនិត្យនិងពិភាក្សាលើសេចក្តីព្រាងច្បាប់ស្តីពីវិសោធនកម្មច្បាប់ស្តីពីផ្លូវថ្នល់ ក្រោមអធិបតីភាព ឯកឧត្តម វង្សី វិសុទ្ធ ឧបនាយករដ្ឋមន្រ្តីប្រចាំការ រដ្ឋមន្រ្តីទទួលបន្ទុកទីស្តីការគណៈរដ្ឋមន្ត្រី នៅសាលប្រជុំនៃទីស្តីការគណៈរដ្ឋមន្រ្តី។ កិច្ចប្រជុំនេះ ក៏មានការអញ្ជើញចូលរួមពីសំណាក់តំណាងក្រសួងស្ថាប័នពាក់ព័ន្ធ ជាអាទិ៍ ឯកឧត្តម ប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូន ព្រមទាំងថ្នាក់ដឹកនាំនៃទីស្តីការគណៈរដ្ឋមន្រ្តី, ក្រសួងសាធារណការ និងដឹកជញ្ជូន, ក្រសួងអភិវឌ្ឍន៍ជនបទ, ក្រសួងមហាផ្ទៃ, ក្រសួងសេដ្ឋកិច្ច និងហិរញ្ញវត្ថុ។ ក្នុងកិច្ចប្រជុំនេះ បានពិនិត្យ និងពិភាក្សាលើសេចក្តីព្រាងច្បាប់ស្តីពីវិសោធនកម្មច្បាប់ស្តីពីផ្លូវថ្នល់ ដែលបានឆ្លងការពិនិត្យក្នុងកិច្ចប្រជុំបច្ចេកទេស កិច្ចប្រជុំអន្តរក្រសួង ស្ថាប័ន និងក្រោយពីបានទទួលការពិនិត្យ និងផ្តល់យោបល់ពីក្រសួងយុត្តិធម៌ ដើម្បីធានាបាននូវសង្គតិភាព ភាពត្រឹមត្រូវស្របតាមតម្រូវការ និងការវិវត្តនៃសង្គម។ ជាលទ្ធផល អង្គប្រជុំបានពិនិត្យ និងសម្រេចលើខ្លឹមសារសេចក្តីព្រាងច្បាប់ដែលត្រូវពិនិត្យធ្វើវិសោធនកម្ម និងអនុញ្ញាតជូនក្រុមការងារបច្ចេកទេសកែសម្រួលចុងក្រោយ ដើម្បីរៀបចំដាក់ចូលដាក់ចូលក្នុងរបៀបវារៈកិច្ចប្រជុំគណៈរដ្ឋមន្រ្តីនាពេលខាងមុខ។