国公省警方破获一起枪杀案

សមត្ថកិច្ចបង្ក្រាបក្រុមខ្មាន់កាំភ្លើង ក្នុងករណីឃាតកម្មនៅខេត្តកោះកុង កោះកុង៖ កម្លាំងនគរបាល ខេត្តកោះកុង សហការ ជាមួយនាយកដ្ឋានព្រហ្មទណ្ឌ បានឈានទៅដល់ការឃាត់ខ្លួនជនសង្ស័យចំនួន ៣នាក់ ពាក់ព័ន្ធនឹងករណី បាញ់សម្លាប់បុរសម្នាក់ កាលពីថ្ងៃទី០៣ ខែមីនា ឆ្នាំ២០២៦ នៅក្រុងខេមរភូមិន្ទ។ ប្រតិបត្តិការបង្ក្រាបនេះបានធ្វើឡើងនៅរសៀលថ្ងៃទី៥ ខែមេសា ឆ្នាំ២០២៦ ក្រុមខ្មាន់កាំភ្លើងមានឈ្មោះ៖ • ឈ្មោះ សាយ សាន្ត (បុរស អាយុ៣៥ឆ្នាំ): ជាមន្ត្រីនគរបាល និងជាជនដៃដល់ដែលបានប្រើប្រាស់អាវុធ AK បាញ់ទៅលើជនរងគ្រោះចំនួន ៦គ្រាប់។ • ឈ្មោះ សាយ សៀវហ្វុង (បុរស អាយុ២៣ឆ្នាំ): បក្ខពួក។ • ឈ្មោះ យុន ស្រីលាភ (ស្ត្រី អាយុ២០ឆ្នាំ): បក្ខពួក (បុគ្គលិកភោជនីយដ្ឋាន)។ វត្ថុតាងដែលដកហូតបាន ១. អាវុធ AK ស្វាយបត់ ១ដើម (រួមជាមួយបង់ ១ និងគ្រាប់ ២៤គ្រាប់)។ ២. ម៉ូតូចំនួន ២គ្រឿង (ម៉ាក Zoomer X និង PCX)។ បច្ចុប្បន្ន ជនសង្ស័យទាំង ៣នាក់ រួមជាមួយវត្ថុតាង ត្រូវបានកម្លាំងជំនាញកសាងសំណុំរឿង ដើម្បីបញ្ជូនទៅចាត់ការតាមនីតិវិធីច្បាប់ជាធរមាន។